Esekiele 48 - Tosi Tapu

Ko le vae o le fenua

¹ Ko nei a igoa o faasiga mo olatou vaega. Ko le vaega o Tane e kamata loa i le potupotu noleto, o au i le ala i Eteloni ki Amate, o au i Atesale-Enoni, i le koiga o Tamaso i le potu noleto ki Amate, i le potu esite ki le tai Metitelanea i le potu uesite.

² I tafa o le vaega o Tane, i le potu esite ki le tai Metitelanea i le potu uesite, ko le vaega o le faasiga o Asele.

³ I tafa o le vaega o Asele, i le potu esite ki le tai Metitelanea i le potu uesite, ko le vaega o le faasiga o Nefetali.

⁴ I tafa o le vaega o Nefetali, i le potu esite ki le tai Metitelanea i le potu uesite ko le vaega o le faasiga o Manase.

⁵ I tafa o le vaega o Manase, i le potu esite ki le tai Metitelanea i le potu uesite ko le vaega o le faasiga o Efalaimi.

⁶ I tafa o le vaega o Efalaimi, i le potu esite ki le tai Metitelanea i le potu uesite ko le vaega o le faasiga o Lupeni.

⁷ I tafa o le vaega o Lupeni, i le potu esite ki le tai Metitelanea i le potu uesite ko le vaega o le faasiga o Suta.

⁸ I tafa o le vaega o Suta, i le potu esite o kaku ki le tai Metitelanea i le potu uesite, e kotou fua loa i ai se koga kele, leia e tatau loa lona loa mo le loa o vaega o faasiga, i le potu esite o kaku ki le tai Metitelanea i le potu uesite, ti ko lona laulasi ko kilometa e kau fitu tupu lima. I loto malie e fakatuu ai loa le fale tapu.

⁹ Ko le koga kele leia e kotou taofi loa ki le Eteleno, ko lona loa ko kilometa e kau agafulu tupu lua vaelua ti ko lona laulasi ko kilometa e kau agafulu.

¹⁰ E tuku loa le koga kele lena ki tagata faisakilifisio : Ko kilometa e kau agafulu tupu lua vaelua i le potu esite ki le potu uesite, ti ko kilometa e kau agafulu i le potu noleto ki le potu saute, ti e tuu loa le fale tapu o le Eteleno i loto malie.

¹¹ E maua loa le vaega lena e tagata faisakilifisio ala kua fakatapui, vosa o Satoke ala na fai ia le tausi i loku fale tapu, ala na leaise sese i le temi leia na sese ai fanau o Iselaele, ofaipe le sese o le kau levita.

¹² E lotou maua loa le vaega lena ko se vaega tapu, leia na too i le kele o le fenua, i tafa o le vaega o le kau levita.

¹³ E tuu loa le vaega o le kau Levi i tafa o le vaega o le kau tagata faisakilifisio, ko lona loa ko kilometa e kau agafulu tupu lua vaelua ti ko lona laulasi ko kilometa e kau agafulu.

¹⁴ E leaise mafai loa ke lotou fakatau, pe fetogi, pe totogi se kele ki se tasi i le vaega lena talie ko uluaki fua ana o le fenua, leia e mauiga ake i vaega fuli, ti ko le vaega lena o le Eteleno.

¹⁵ Ko le kele loa leia e toe, leia e kilometa lua vaelua lona laulasi ti kilometa kau agafulu tupu lua vaelua lona loa, e tuku loa ki le kolo, ki nofoaga mo kolo liliki i ona tafatafa. E tuu loa le kolo i loto malie.

¹⁶ Ko nei a fuafua o le kolo : I le potu noleto ko kilometa e lua mo meta e kau lelau e lua kau lima, i le potu saute ko kilometa e lua mo meta e kau lelau e lua kau lima, i le potu esite ko kilometa e lua mo meta e kau lelau e lua kau lima, i le potu uesite ko kilometa e lua mo meta e kau lelau e lua kau lima.

¹⁷ I fetuu e fa o le kolo, e i ai loa se kele lauatea, leia e meta kau lelau kau lua tupu lima lona laulasi.

¹⁸ E toe loa i le potu esite o le kolo se kele leia e kilometa lima lona loa, i le fakaloaloa o le kele tapu, mo se tasi ake kele felaaki i le potu uesite. E too loa i ai le nea kai ki le kakai o le kolo.

¹⁹ E feala loa ke gaoi i le kele lena a tagata fuli ala e nonofo i le kolo, logo ai le faasiga leia na tupu i ai.

²⁰ E tapa fa tatau loa le kele katoa leia e tuku loa ki le Eteleno mo kele fakakolo : ko lona loa e kilometa kau agafulu tupu lua vaelua, ti ko lona laulasi e kilometa kau agafulu tupu lua vaelua ; e kotou vaei loa i ai se kele tapa fa tatau ki le fale tapu.

²¹ Ko le toe o le kele e tuku loa ki le tama aliki. E tuu loa lona vaega i fetuu mo fetuu o le kele tapu mo le kele fakakolo. E fakaloaloa loa a ia i tafa o la ake a kele i ni kilometa e kau agafulu tupu lua vaelua, o fakaaga ki le esite o kaku ki le koiga esite, ti toe fakaaga i leia ake fetuu o kaku ki le tai Metitelanea i le koiga uesite. Ko lena le vaega leia e maua loa e le tama aliki ; ti e tuu loa le kele tapu mo le fale tapu i loto malie.

²² E tuuti lua loa e le kele o le kau Levi mo le kele o le kolo le kele o le tui, leia e tuu loa i loto o le vaega o Suta i le noleto, mo le kele o Pesamino i le saute.

²³ Ko nei a vaega o la ake faasiga. I le potu esite ki le tai Metitelanea i le potu uesite, ko le vaega a ia o le faasiga o Pesamino.

²⁴ I tafa o le vaega o Pesamino, i le potu esite ki le potu uesite, ko le vaega a ia o le faasiga o Simeone.

²⁵ I tafa o le vaega o Simeone, i le potu esite ki le potu uesite, ko le vaega a ia o le faasiga o Isakale.

²⁶ I tafa o le vaega o Isakale, i le potu esite ki le potu uesite, ko le vaega a ia o le faasiga o Sapulone.

²⁷ I tafa o le vaega o Sapulone, i le potu esite ki le potu uesite, ko le vaega a ia o le faasiga o Kate.

²⁸ Ko le koiga o Kate ko le koiga loa a ia o le fenua. E kamata loa i Tamale i le potu esite o kaku ki le vai o Melipa i Katesi, o kaku ki le liua o Esipito, o ano ai ki le tai Metitelanea.

²⁹ Ko lena loa le fenua leia e kotou aga loa o vaevae ko lokoutou tofiga, ki faasiga o Iselaele o mulimuli ki le toso, ko na loa a vaega, e pati le Aliki, le Eteleno.

³⁰ Ko nei a matapa o le kolo. I le fetuu noleto ko kilometa e lua mo meta e kau lelau lua kau lima,

³¹ ti ko matapa o le kolo o mulimuli ki igoa o faasiga o Iselaele, ko matapa e tolu i le fetuu noleto : Ko le matapa o Lupeni e tasi ; mo le matapa o Suta e tasi ; mo le matapa o Levi e tasi.

³² I le fetuu esite ko kilometa e lua mo meta e kau lelau lua kau lima, ti mo matapa e tolu : Ko le matapa o Sosefo e tasi ; mo le matapa o Pesamino e tasi ; mo le matapa o Tane e tasi.

³³ I le fetuu saute ko kilometa e lua mo meta e kau lelau lua kau lima, ti mo matapa e tolu : Ko le matapa o Simeone e tasi ; mo le matapa o Isakale e tasi ; mo le matapa o Sapulone e tasi.

³⁴ I le fetuu uesite ko kilometa e lua mo meta e kau lelau lua kau lima, ti mo matapa e tolu : Ko le matapa o Kate e tasi ; mo le matapa o Asele e tasi ; mo le matapa o Nefetali e tasi.

³⁵ Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.