Esaia 4 - Tosi Tapu

Tio foou ki le puleaga o le Mesia

¹ I le aso lena e too loa e fafine e toka fitu se tagata e toka tasi, o pati loa kiate ia : E motou kai loa lamatou pane, Ti e motou kofu loa omatou kofu ; Kae kese fua ke motou maua lou igoa ! Ke ke too lomatou luma !

Ko le fakamea mo le kololia o Iselaele

² I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

³ Ti e igoa loa ko maokioki Latou ala na toe i Sione, Ti mo latou ala na toe i Selusalemi, Io, a tagata fuli i Selusalemi e tosi loa i le kau mauuli,

⁴ I le oki o le fufulu e le Eteleno o kelekele o taineliki o Sione, Ti mo le fakamea o Selusalemi i le toto leia e maua i loto malie o ona, Ki le matagi o lona faitotonu mo le matagi o le maumau.

⁵ E fakanofo loa e le Eteleno, i le kele katoa o le mauga o Sione Ti mo ona ganea fakatasi fuli, se ao afu i le ao, Ti mo se afi ulaula gigila i le pouli ; Talie e ufiufi loa e le kololia o le Eteleno a nea fuli.

⁶ E liliu loa le kololia o le Eteleno ko se fakamalumaluaga i le vevela o le ao, Ti ko se mumuniaga mo se maloloaga i le afa mo le ua.