Ekelesiasi 12 - Tosi Tapu

Ko le temi faigamalie ki le afa o le Atua

¹ Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

² Too mei lou loto le mamae ti ke fakamamao le veli mei lou tino ; talie e vaiga le temi tupulaga o tatau mo le mafoata.

³ Kae ke ke manatui lou tupuaga i le temi o lou tupulaga, i mua o le kaku mai o aso veveli ti mo le fakafeofi mai o fetuu ala e ke pati ai loa : E leaise koi kau maua se fiafia i le mauli ;

⁴ i mua o le fakapouli o le laa mo le malama, mo le masina ti mo fetuu, ti mo le toe au o ao i le oki o le ua,

⁵ le temi leia e lulu ai loa a tagata leo o le fale, leia e pipiko ai loa a tagata makeke, leia e tuu ai loa a fafine ala e fakamaluu ia a magiti talie kua lotou lavaki, leia e fakapouli ai loa latou ala e tio i matapa,

⁶ leia e tapono ai loa a matapa ki le ala, mo ka gaegae le logoa o le fatu fakamaluu, leia e ala ai loa i le sua o le manu lele, leia e fakaoki ai loa a sua a taineliki,

⁷ leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

⁸ i mua o le motu o le va siliva, i mua o le mafaa o le ipu aulo, mo le motu o le pakete i aluga o le matapuna vai, ti mo le mafaa o le fa teka i aluga o le sosoni ;

⁹ i mua o le toe liliu o le efu ki le kele, ofaipe lana nofo i ai ; i mua o le toe liliu o le laumalie ki le Atua leia na soli ia a ia.

¹⁰ E pati le Ekelesiasi : Vaiga o vaiga, e vaiga nea fuli.

Ko le i ki le Atua

¹¹ O tupu na lasi ai le poto o le Ekelesiasi, na ako foki e ia le poto ki le kakai, ti na sivi e ia, mo ului loloto e ia, mo fakatuutuu e ia ni pati fakatata mauke.

¹² Na afa e le Ekelesiasi ke maua e ia ni kupu malilie, ti e totonu le nea leia kua tosi, ko ni masau o le maoki.

¹³ E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

¹⁴ Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

¹⁵ Fakalogo mai ki le fakatoetoe o nea fuli anei : Ke ke i ki le Atua, ti ke tausi ana folafola. Ko le nea a ia e tonu ke fai e tagata fuli.

¹⁶ Talie e aumai loa e le Atua a gaoi fuli ki le fakamaauaga, mo nea fuli ala e fufu, pe malie pe veli.