Yo'el 3 - Fulfulde Bible

Baannjuki Ruuhu Ceniiɗo

¹ “Ɓaawo man mi waanjan Ruuhu am dow yimɓe fuu: Ɓiɓɓe mon worɓe e rewɓe mbaɗan annabaaku, ndotti'en mooɗon koyɗan koyɗi, suka'en mooɗon keɓan wahayuuji.

² Koo dow maccuɓe e horɓe, mi waanjan Ruuhu am nder saa'i man.

³ Mi waɗan kaayeefiiji haa asama e dow lesdi: Ƴiiƴam e yiite e daŋraŋge cuurɗe mbaŋgan!

⁴ Naaŋge nyiɓɓan, lewru boo woojan bana ƴiiƴam. Nden nyalaade am mawnde hulniinde waran!”

⁵ Ammaa koo moy ewnotooɗo innde Jawmiraawo, hisan. Ngam hisanɓe ngonan dow hooseere Siyona, nder berniwol Urusaliima, bana no Jawmiraawo wi'i. Mo Jawmiraawo ewni ɗum, yeeɗan.