Nehemiya 10 - Fulfulde Bible

Yimɓe koo'i anniya ɗowtanaago tawreeta

¹ Ngam daliila kuuje ɗe'e fuu min koo'i anniya timmuka, min mbinndi bolle maaka. Ardiiɓe amin e Lewi'en amin e liman'en amin mbaɗi juuɗe muuɗum'en haa binndol baɗaaŋgol lammba man.

² Ndaa inɗe waɗɓe juuɗe muuɗum'en: Nehemiya ɓii Hakaliya ngomnaajo, Sedekiya,

³ Seraya, Azariya, Yeremiya,

⁴ Pashuuru, Amariya, Malkiya,

⁵ Hattus, Sebaniya, Malluku,

⁶ Harim, Meremot, Obadiya,

⁷ Daniyel, Ginneton, Baruku,

⁸ Mesullam, Abiya, Miyamin,

⁹ Ma'ajiya, Bilgay, Sema'ya – kamɓe ngoni liman'en.

¹⁰ Lewi'en boo: Yeesu'a ɓii Azaniya, Binnuy mo danygol Henadat, Kadmiyel

¹¹ e banndiraaɓe maɓɓe: Sebaniya, Hodiyya, Kelita, Pelaya, Hanan,

¹² Mika, Rehob, Hasabiya,

¹³ Zakkur, Serebiya, Sebaniya,

¹⁴ Hodiyya, Baani, Beniinu.

¹⁵ Ardiiɓe ummaatoore boo: Par'os, Pahat-Mo'ab, Elam, Zattu, Baani,

¹⁶ Bunni, Asgada, Bebay,

¹⁷ Adoniya, Biguway, Adiina,

¹⁸ Ater, Hezekiya, Azzuru,

¹⁹ Hodiyya, Hasum, Becay,

²⁰ Harif, Anatot, Nebay,

²¹ Magapi'as, Mesullam, Hezira,

²² Mesejabeyel, Cadok, Yaddu'a,

²³ Pelatiya, Hanan, Anaya,

²⁴ Hose'a, Hananiya, Hassuba,

²⁵ Hallohes, Pilha, Sobek,

²⁶ Rehum, Hasabna, Ma'aseya,

²⁷ Ahiyya, Hanan, Anan,

²⁸ Malluku, Harim e Ba'ana.

²⁹ Yimɓe luttuɓe e liman'en e Lewi'en e aynooɓe dammuɗe e yimooɓe e huuwooɓe kuuɗe pamare nder haykaliiru e seeduɓe bee jananɓe nder lesdi fuu ngam ɓe tokko tawreeta Allah, kamɓe e rewɓe maɓɓe e ɓiɓɓe maɓɓe worɓe e rewɓe e heewtuɓe faamugo fuu,

³⁰ ɓe kawtani banndiraaɓe maɓɓe mawɓe, ɓe ngooŋɗini anniya maɓɓe bee hunayeere, haa ɓe tokko tawreeta ka Allah hokki bee hunnduko jaggiiɗo mum Muusa, ɓe ɗowtano umrooje Allah Jawmiraawo amin e kiitaaji mum e farillaaji mum fuu.

³¹ Min kuni min ndokkataa yimɓe jananɓe nder lesdi ɓiɓɓe amin rewɓe, min ɓaŋgantaa ɓiɓɓe amin worɓe ɓiɓɓe maɓɓe rewɓe boo.

³² To jananɓe ngaddi kare muuɗum'en e gabbe ngam coggu nyalaade siwtorde malla nyalɗe ceniiɗe goɗɗe, min coodataa ɗum. Nder hitaande joweeɗiɗawre min accan gese ciwto, min njaafoto nyamaale fuu.

³³ Min umri, min ndoolan ko'e amin hokkugo hitaande koo ndeyeere yeɓre tataɓre nder ceede cardi ngam dewal nder haykaliiru Allah men,

³⁴ ngam tamseeje jo'inteeɗe e dokke nyaamdu nyalaade nyalaade e dabbaaji guleteeɗi nyalaade nyalaade e ngam nyalɗe ciwtorɗe e juulde lewru hesru e juulɗe feere, ngam kuuje cenaaɗe e kirseteeɗi ittanɗi hakkeeji Isra'iila e kuuɗe nder haykaliiru Allah meeɗen fuu.

³⁵ Minin liman'en e Lewi'en e ummaatoore fuu mbaɗi kur'u ngam tabitingo no min njahrata dokkal leɗɗe haa haykaliiru Allah men hitaande koo ndeyeere bee saa'iire ta'aande, ngam wulugo ɗe dow hirsirde Jawmiraawo Allah men, bana ko winnda nder tawreeta.

³⁶ Hitaande fuu, ko min aartata sodugo haa gese amin, ko min aartata teɓugo haa leɗɗe amin boo, min njahran ɗum haa haykaliiru Jawmiraawo,

³⁷ non boo afɓe amin worɓe e afi dabbaaji amin, bana ko winnda nder tawreeta. Min njahran afi na'i amin e afi dammooji amin haa liman'en suklaniiɓe kuugal nder haykaliiru Allah meeɗen.

³⁸ Non boo ko ɓuri wooɗugo haa kuroori amin e dokke ɓiɓɓe leɗɗe amin e inaboojam kesam e nebbam, min njahran ɗum haa liman'en nder cigorɗi haykaliiru Allah meeɗen, zakka gese amin boo haa Lewi'en, waato Lewi'en jaɓooɓe zakka haa gure haa min kuuwata fuu.

³⁹ Goɗɗo limanjo mo danygol Haruna wondan bee Lewi'en, saa'i ɓe njaɓata zakkaaji man. Lewi'en boo ittan zakka haa zakka man, njahran ɗum haa haykaliiru Allah meeɗen, nder cigorɗi.

⁴⁰ Isra'iila'en e Lewi'en cigoto dokke alkamaari e inaboojam kesam e nebbam nder cigorɗi man. Kuuwruɗe suudu seniindu ɗon ton, non boo liman'en suklaniiɓe kuugal e aynooɓe dammuɗe e yimooɓe. Min accataa haykaliiru Allah meeɗen sam.