Limle 26 - Fulfulde Bible

¹ Jawmiraawo wi'i Muusa e Eli'azaaru ɓii Haruna limanjo:

² “Lime yimɓe jama'aare Isra'iila fuu fodde ci'e muuɗum'en, ɓe duuɓi noogas e ko ɓuri, waawanɓe hoo'ugo balmi konu fuu.”

³ Muusa e Eli'azaaru maatini ɓe yaake ɓe ɗonno haa ladde Mo'ab baŋnge maayo Urdun haa fuunaaŋge Yeriko, ɓe mbi'i:

⁴ Mbinnde worɓe ɓe duuɓi noogas e ko ɓuri fuu bana Jawmiraawo umruno Muusa. Ndaa Isra'iila'en wurtiiɓe lesdi Misra:

⁵ Lenyol Ruben afo Isra'iila: Ci'e Hanok, Pallu,

⁶ Hesruunu e Karmi.

⁷ Limgal maɓɓe fuu, worɓe ujine cappanɗe nayo e tato e teemeɗɗe njoweeɗiɗo e cappanɗe tato (43.730).

⁸ Danygol Pallu: Eliyabu

⁹ e ɓiyum'en: Nemuwel, Datan e Abiram. Datan e Abiram laatino ardiiɓe jama'aare. Kamɓe njokkirno bee Muusa e Haruna, hawtaade bee mooɓre Koora, saa'i ɓe tuurtani Jawmiraawo.

¹⁰ Lesdi seeki les maɓɓe, moɗi ɓe. Ɓe maaydi bee Koora e mooɓre mum, saa'i yiite nyaami worɓe teemeɗɗe ɗiɗo e cappanɗe njowo (250). Ɗum laati barriya ngam Isra'iila'en.

¹¹ Ammaa ɓiɓɓe Koora maayaay.

¹² Lenyol Simeyon fodde ci'e mum: Nemuwel, Yamin, Yakin,

¹³ Zeraha e Sawulu.

¹⁴ Limgal maɓɓe fuu, worɓe ujine noogas e ɗiɗo e teemeɗɗe ɗiɗo (22.200).

¹⁵ Lenyol Gada fodde ci'e mum: Cefon, Haggi, Suni,

¹⁶ Ojini, Eri,

¹⁷ Aroodi e Areeli.

¹⁸ Limgal maɓɓe fuu, worɓe ujine cappanɗe nayo e teemeɗɗe njowo (40.500).

^19-21 Lenyol Yahuuda fodde ci'e mum: Sela, Peres, Zeraha e ɓiɓɓe Peres: Hesruunu e Hamul. Eer e Oonan kam maayi nder lesdi Kanaana.

²² Limgal maɓɓe fuu, worɓe ujine cappanɗe njoweeɗiɗo e njoweego e teemeɗɗe njowo (76.500).

²³ Lenyol Issakar fodde ci'e mum: Tola, Puwa,

²⁴ Yasuba e Simron.

²⁵ Limgal maɓɓe fuu, worɓe ujine cappanɗe njoweego e nayo e teemeɗɗe tato (64.300).

²⁶ Lenyol Zabulon fodde ci'e mum: Seret, Elon e Yahaleyel.

²⁷ Limgal maɓɓe fuu, worɓe ujine cappanɗe njoweego e teemeɗɗe njowo (60.500).

²⁸ Ɓiɓɓe Yusufu fodde ci'e muuɗum'en: Manassa e Efrayim.

²⁹ Danygol Manassa: Ci'e Makir e Gile'at. Makir woni baaba Gile'at.

³⁰ Ndaa ci'e iwɗe haa Gile'at: I'ejer, Helek,

³¹ Asriyel, Sikem,

³² Semida e Hefer.

³³ Celofhad ɓii Hefer walaa ɓiɓɓe worɓe, sey ɓiɓɓe rewɓe tan. Inɗe maɓɓe: Mahala, No'a, Hogila, Milka e Tirsa.

³⁴ Limgal maɓɓe fuu, yimɓe ujine cappanɗe njowo e ɗiɗo e teemeɗɗe njoweeɗiɗo (52.700).

³⁵ Lenyol Efrayim fodde ci'e mum: Sutelaha, Beker e Tahan.

³⁶ Sutelaha danyi Eran.

³⁷ Limgal maɓɓe fuu, worɓe ujine cappanɗe tato e ɗiɗo e teemeɗɗe njowo (32.500).

³⁸ Lenyol Benyamin fodde ci'e mum: Bela, Asbeel, Ahiram,

³⁹ Sefufam e Hufam.

⁴⁰ Ci'e Arda e Na'aman boo iwi haa Bela.

⁴¹ Limgal maɓɓe fuu, worɓe ujine cappanɗe nayo e njowo e teemeɗɗe njoweego (45.600).

⁴² Lenyol Dan fodde ci'e mum: Susam e danygol mum.

⁴³ Limgal maɓɓe fuu, worɓe ujine cappanɗe njoweego e nayo e teemeɗɗe nayo (64.400).

⁴⁴ Lenyol Aser fodde ci'e mum: Yimna, Yisuwi e Beri'a.

⁴⁵ Ci'e Heber e Malkiyel boo iwi haa Beri'a.

⁴⁶ Innde ɓii Aser debbo, Seraha.

⁴⁷ Limgal maɓɓe fuu, worɓe ujine cappanɗe njowo e tato e teemeɗɗe nayo (53.400).

⁴⁸ Lenyol Neftali fodde ci'e mum: Yahaciyel, Guni,

⁴⁹ Yejer e Sillem.

⁵⁰ Limgal maɓɓe fuu, worɓe ujine cappanɗe nayo e njowo e teemeɗɗe nayo (45.400).

⁵¹ Limgal worɓe Isra'iila fuu ujine teemeɗɗe njoweego e go'o e teemeɗɗe njoweeɗiɗo e cappanɗe tato (601.730).

⁵² Nden Jawmiraawo wi'i Muusa:

⁵³ “Senndan le'i ɗi'i lesdi ndi'i haa ɗi mara ndi, fodde limgal maaji:

⁵⁴ Lenyol maŋngol heɓan maral maŋngal, lenyol pamarol boo heɓan maral pamaral. Lenyol fuu heɓan maral mum fodde limgal mum.

⁵⁵ Senndu ndi bee waɗugo kur'u. Ɓe keɓan maral maɓɓe fodde le'i maɓɓe.”

⁵⁶ Kur'u senndan maral hakkunde ɗuuɗɓe e famarɓe.

⁵⁷ Ndaa lenyol Lewi fodde ci'e mum: Gerson, Kehat, Meraari,

⁵⁸ Libni, Heburuun, Mahali, Musi e Koora. Kehat woni baaba Amram.

⁵⁹ Innde debbo Amram, Yokebet ɓii Lewi, o danyaaɗo haa Misra. O danyani Amram, Muusa e Haruna, non boo Miriyam, deerɗiraawo maɓɓe debbo.

⁶⁰ Haruna danyanaama Nadab, Abihu, Eli'azaaru e Itamar.

⁶¹ Ammaa Nadab e Abihu maayi, yaake ɓe lii'anino Jawmiraawo yiite nge senaaka.

⁶² Limgal Lewi'en diga mo lewru e ko ɓuri fuu waɗi ujine noogas e tato (23.000). Kamɓe ɓe limdaaka bee Isra'iila'en woɗɓe, ngam ɓe keɓaay maral lesdi nder Isra'iila.

⁶³ Muusa e Eli'azaaru limanjo mbaɗi binndol, limi Isra'iila'en fuu, saa'i ɓe ɗonno nder laɗɗe Mo'ab baŋnge maayo Urdun, haa fuunaaŋge Yeriko.

⁶⁴ Yimɓe ɓe Muusa e Haruna limno nder ladde Sina fuu maaydi, walaa koo gooto maɓɓe lutti,

⁶⁵ ngam Jawmiraawo wi'no ɓe: “Fakat on fuu on maayan nder ladde, sonaa Kaaleb ɓii Yefunna e Yosuwa ɓii Nuuna tan.”