Laataanooji 36 - Fulfulde Bible

Danygol Isuwa

¹ Ndaa habaru danygol Isuwa, waato Edoom.

² Isuwa ɓaŋgi rewɓe mum nder Kanaani'en: Ada ɓii Helon Hetiijo e Oholibama ɓii Ana mo ɓii Cibe'on Hewiijo

³ e Basmat ɓii Isma'iilu, deerɗiraawo Nebayot.

⁴ Ada danyani Isuwa Elifas. Basmat boo danyi Re'uwel.

⁵ Oholibama danyi Ye'us e Ya'elam e Koora. Kamɓe ngoni ɓiɓɓe Isuwa, danyanaaɓe mo nder lesdi Kanaana.

⁶ Isuwa hoo'i rewɓe muuɗum e ɓiɓɓe muuɗum worɓe e rewɓe e yimɓe saare muuɗum fuu e dabbaaji muuɗum, waato jawdi ndi o faggi haa lesdi Kanaana. O dilli haa lesdi ngoɗndi, ndaayiindi bee deerɗiiko Yaakubu.

⁷ O dilli ngam jawle maɓɓe ɗuuɗi masin, haa ɓe mbaawaay jooɗodaago. Lesdi ndi ɓe njooɗi e muuɗum he'ataa ɓe ngam ɗuuɗeeŋga tokke maɓɓe.

⁸ Isuwa, waato Edoom, jooɗi nder kooseeje Se'ir.

⁹ Ndaa habaru danygol Isuwa, kaakiraawo Edoomi'en, nder kooseeje Se'ir.

¹⁰ Ndaa inɗe ɓiɓɓe Isuwa worɓe: Elifas ɓii debbo maako Ada e Re'uwel ɓii debbo maako Basmat.

¹¹ Ɓiɓɓe Elifas ngoni: Teman e Omar e Cefo e Gatam e Kenas.

¹² Elifas ɓii Isuwa woodino culaaɗo bi'eteeɗo Timna. O danyani mo Amalek. Ɓe'e ngoni taaniraaɓe Isuwa, danygol debbo mum Ada.

¹³ Ɓiɓɓe Re'uwel ngoni: Nahat e Zeraha e Samma e Misa. Kamɓe ngoni taaniraaɓe Isuwa, danygol debbo mum Basmat.

¹⁴ Ndaa ɓiɓɓe Oholibama ɓii Ana ɓii Cibe'on, debbo Isuwa. O danyani Isuwa Ye'us e Ya'elam e Koora.

¹⁵ Ndaa laamiiɓe haa danygol Isuwa. Ɓiɓɓe Elifas, afo Isuwa: laamiiɗo Teman, laamiiɗo Omar, laamiiɗo Cefo, laamiiɗo Kenas,

¹⁶ laamiiɗo Koora, laamiiɗo Gatam e laamiiɗo Amalek. Kamɓe ngoni laamiiɓe Elifas nder lesdi Edoom, ɓe danygol Ada.

¹⁷ Ndaa laamiiɓe ɓiɓɓe Re'uwel ɓii Isuwa: Laamiiɗo Nahat, laamiiɗo Zeraha, laamiiɗo Samma e laamiiɗo Misa. Kamɓe ngoni laamiiɓe Re'uwel nder lesdi Edoom, ɓe danygol Basmat, debbo Isuwa.

¹⁸ Ndaa laamiiɓe ɓiɓɓe Oholibama, debbo Isuwa: laamiiɗo Ye'us, laamiiɗo Ya'elam e laamiiɗo Koora. Kamɓe ngoni laamiiɓe danygol Oholibama ɓii Ana, debbo Isuwa.

¹⁹ Kamɓe ngoni laamiiɓe Edoomi'en, danygol Isuwa.

²⁰ Ndaa ɓiɓɓe Se'ir Horiijo, aartuɓe jooɗaago nder lesdi man: Lotan e Sobal e Cibe'on e Ana

²¹ e Dison e Ecer e Disan. Kamɓe ngoni laamiiɓe Hori'en, ɓe ɓiɓɓe Se'ir nder lesdi Edoom.

²² Ɓiɓɓe Lotan ngoni: Hori e Hemam. Deerɗiraawo Lotan debbo woni Timna.

²³ Ɓiɓɓe Sobal ngoni: Aluwan e Manahat e Ebal e Cefo e Onam.

²⁴ Ɓiɓɓe Cibe'on ngoni: Aya e Ana. Ɗum Ana oo mo tawi ceeɓooje gulɗe nder ladde nde o ɗonno dura bamɗe Cibe'on, baaba maako.

²⁵ Ɓiɓɓe Ana ngoni: Dison e Oholibama, ɓii Ana debbo.

²⁶ Ɓiɓɓe Dison ngoni: Hemdan e Esban e Yituran e Keran.

²⁷ Ɓiɓɓe Ecer ngoni: Bilhan e Za'awan e Akan.

²⁸ Ɓiɓɓe Disan ngoni: Uus e Aaran.

²⁹ Laamiiɓe Hori'en: Laamiiɗo Lotan e Sobal, laamiiɗo Cibe'on, laamiiɗo Ana,

³⁰ laamiiɓe Hori'en fodde ci'e maɓɓe nder lesdi Se'ir ngoni: Dison e Ecer e Disan.

³¹ Ndaa laamaniiɓe lesdi Edoom, hiddeko Isra'iila heɓa laamiiɗo:

³² Bela ɓii Be'or laamani lesdi Edoom. Innde wuro maako Dinhaba.

³³ Bela maayi. Yobaba ɓii Zeraha mo Bosra laami haa pellel maako.

³⁴ Yobaba maayi. Husam mo lesdi Temani'en laami haa pellel maako.

³⁵ Husam maayi. Hadat ɓii Bedaada, mo jaali Mediyan nder lesdi Mo'ab, laami haa pellel maako. Innde wuro maako Awit.

³⁶ Hadat maayi. Samla mo Masreeka laami haa pellel maako.

³⁷ Samla maayi. Sawulu mo Rehobot-dow-maayo laami haa pellel maako.

³⁸ Sawulu maayi. Ba'al-Hanan ɓii Akbor laami haa pellel maako.

³⁹ Ba'al-Hanan ɓii Akbor maayi. Innde wuro maako Pa'u. Innde debbo maako Mehetabeyel ɓii Matireeda, ɓii Mezahat debbo. Hadar laami haa pellel maako.

⁴⁰ Ndaa inɗe laamiiɓe Isuwa, fodde ci'e maɓɓe e gure maɓɓe: Laamiiɗo Timna, laamiiɗo Aliya, laamiiɗo Yetet,

⁴¹ laamiiɗo Oholibama, laamiiɗo Ela, laamiiɗo Pinon,

⁴² laamiiɗo Kenas, laamiiɗo Teman, laamiiɗo Mipsaara,

⁴³ laamiiɗo Magdiyel e laamiiɗo Iram. Kamɓe ngoni laamiiɓe Edoom fodde joole maɓɓe nder lesdi maral maɓɓe. Isuwa woni kaakiraawo Edoomi'en.