Laataanooji 10 - Fulfulde Bible

Danygol ɓiɓɓe Nuuhu

¹ Ɓaawo ilam tuufaana, ɓiɓɓe Nuuhu Sem e Haamu e Yafet danyi ɓikkoy.

² Ɓiɓɓe Yafet ngoni: Gomer e Magog e Maday e Yawan e Tubal e Meesek e Tiras.

³ Ɓiɓɓe Gomer ngoni: Askanas e Rifat e Togarma.

⁴ Ɓiɓɓe Yawan ngoni: Elisa e Tarsis e Kitti'en e Rodani'en.

⁵ Diga maɓɓe jooɗiiɓe haa duuɗe e fomoonde mbeela iwi. Ɓe cenndaama fodde lesdi maɓɓe e koo moy fodde ɗemŋgal muuɗum, fodde asŋgol muuɗum e ummaatoore muuɗum.

⁶ Ɓiɓɓe Haamu ngoni: Kus e Misrayim e Put e Kanaana.

⁷ Ɓiɓɓe Kus ngoni: Seba e Hawila e Sabeta e Rama e Sabitka. Ɓiɓɓe Rama boo: Saba e Dedan.

⁸ Kus danyi Nimrudu, kaŋko woni aartuɗo laataago baawɗo dow lesdi.

⁹ O loohoowo baawɗo yeeso Jawmiraawo. Ngam maajum ɓe ɗon mbi'a: “Loohoowo baawɗo yeeso Jawmiraawo bana Nimrudu.”

¹⁰ O aarti laamaago dow berniiji ɗi'i: Baabila e Erek e Akat e Kalne nder lesdi Sine'ar.

¹¹ Nimrudu wurti lesdi ndi'i, o yehi Assuura. O nyiɓi Niniwe e Rehobot-Ir e Kala

¹² e Resen, berniwol maŋngol, ɗon hakkunde Niniwe bee Kala.

¹³ Misrayim danyi Luudi'en e Anami'en e Lehabi'en e Naftu'en

¹⁴ e Paturusi'en e Kaslu'en e Kaftori'en. Filisti'en iwi haa Kaslu'en.

¹⁵ Kanaana danyi Sidon, afo muuɗum e Hetu

¹⁶ e Yebusi'en e Amoori'en e Girgasi'en

¹⁷ e Hewi'en e Arki'en e Siniti'en

¹⁸ e Arwidi'en e Cemariti'en e Hamati'en. Ɓaawo maajum ci'e Kanaani'en caŋkiti.

¹⁹ Maral Kanaani'en yaaji diga Sidon yehi Gerar, haa yotti Gaaza, haa Sodoma e Gomorra e Adama e Ceboyim, haa yotti Lesa.

²⁰ Ɓe'e ngoni danygol Haamu fodde ci'e maɓɓe e ɗemɗe maɓɓe e lesɗe maɓɓe nder ummaatooje maɓɓe.

²¹ Sem, hammiraawo Yafet, o danyanaama ɓiɓɓe boo. Kaŋko woni kaaka ɓiɓɓe Eber fuu.

²² Ɓiɓɓe Sem ngoni: Elam e Assuru e Arfasada e Luuda e Aram.

²³ Ɓiɓɓe Aram ngoni: Uus e Hul e Geter e Mas.

²⁴ Arfasada danyi Selaha, Selaha danyi Eber.

²⁵ Eber danyanaama ɓiɓɓe worɓe ɗiɗo. Innde gooto, Pelek, ngam nder zamanu maako duniyaaru senndaama. Innde deerɗiiko boo, Yoktan.

²⁶ Yoktan danyi Almodat e Selef e Hacamawet e Yeraha

²⁷ e Hadoram e Uzal e Dikila

²⁸ e Obal e Abimayel e Seba

²⁹ e Ofir e Hawila e Yobaba. Fuu maɓɓe ɓe ɓiɓɓe Yoktan.

³⁰ Ɓe jooɗi diga Mesar haa yotti tayre hooseere Sefar, haa fuunaaŋge.

³¹ Kamɓe ngoni danygol Sem fodde ci'e maɓɓe e ɗemɗe maɓɓe nder lesɗe maɓɓe fodde jama'aaje maɓɓe.

³² Ndaa ci'e ɓiɓɓe Nuuhu fodde gide maɓɓe nder ummaatooje maɓɓe. Diga maɓɓe ummaatooje duniyaaru fuu iwi ɓaawo ilam tuufaana.