Jabuura 84 - Fulfulde Bible

Ngenka suudu Allah

¹ Ngam kaliifaajo gime fodde daande “gittit”. Yimre nde ɓiɓɓe Koora.

² Jooɗorde ma wooɗi masin, yaa Jawmiraawo honooɓe asama!

³ Ɓernde am yenwi dalde haykaliiru Jawmiraawo masin! Jonta yoŋki am e ɓanndu am fuu ɗon ngimana Allah geeto bee seyo.

⁴ Koo colli boo keɓi cuuɗi, colli zawleeji mbaɗi caɓɓe, ɗon ngoofo ɓiɓɓe muuɗum'en, kommbi kirsirɗe ma, yaa Jawmiraawo honooɓe asama, laamiiɗo am e Allah am.

⁵ Barka laatanto jooɗiiɓe nder saare ma, ɓe maŋgtete foroy!

⁶ Barka laatanto heɓanɓe semmbe haa maaɗa, taaskiiɓe yahugo haa suudu ma!

⁷ To ɓe ɗon caalo Waadiwol Bojji, ɓe ngartiran ngol nokkuure ceeɓooje, iyeende arannde hebbinan ngol barkaaji.

⁸ Ɓe ɗon njaha, semmbe maɓɓe boo ɗon ɓesdo, haa ɓe mbaŋga yeeso Allah dow hooseere Siyona.

⁹ Yaa Jawmiraawo Allah, honooɓe asama, nan do'a am! Heɗitam, yaa Allah Yaakubu!

¹⁰ Laar laamiiɗo amin, laatiiɗo wawarde amin, woonan moytaaɗo ma.

¹¹ Nyallugo nyannde woore haa dalde suudu ma, ɓuri wooɗugo dow nyalɗe ujineere haa yaasi. Daraago haa yolnde Allah am ɓuri jooɗaago nder laymaaji halluɓe.

¹² Jawmiraawo Allah woni annoora e wawarde, Jawmiraawo hokkan en mo'ere e maŋngu. Timmuɓe nder yahdu muuɗum'en, o haɗataa ɓe hayru sam!

¹³ Yaa Jawmiraawo honooɓe asama, barka laatanto hoolotooɓe ma fuu!