Jabuura 82 - Fulfulde Bible

Allah hiitoto hiitooɓe halluɓe

¹ Yimre Asaf. Allah ɗon dari nder dawriinde mum, ɗon hiito caka ɗowanteeɓe:

² Haa ndey tokkotooɗon hiitaago bee faasikaare? Haa ndey tokkotooɗon jiŋngugo halluɓe?

³ Mbaɗane laafuɓe e atiime'en kiita ngooŋɗuka! Kiitane toskaaɓe e ɓilliiɓe kiita adiliiha!

⁴ Kisne laafuɓe e talaka'en! Ngurtine ɓe juuɗe halluɓe!

⁵ On ngalaa faamu e hakkiilo, on ɗon njaha nder nyiɓre, gooŋga majji haa duniyaaru.

⁶ Gooŋga, mi wi'i on on ɗowanteeɓe, onon fuu on ɓiɓɓe Ɓaŋiiɗo.

⁷ Alhaali boo on maayan bana yimɓe fuu, mi ɓortan on bana mi ɓortirta ardiiɓe.

⁸ Umma, yaa Allah, hiita duniyaaru, ngam an mari ummaatooje fuu!