Jabuura 70 - Fulfulde Bible

Tornde ngam ballal

¹ Ngam kaliifaajo gime. Yimre Daawuda ngam ciftinorki.

² Yaa Allah, hisnam. Yaa Jawmiraawo, yaawɗa wallugo yam.

³ Yiɗɓe mbarugo yam cemta. Seyortooɓe sarru am, lornu ɓe ɓaawo, toskin ɓe!

⁴ Jalanɓe yam, sey ɓe loro ɓaawo daliila toskaare maɓɓe!

⁵ Ammaa ɗakkotirɓe bee ma fuu, yaa Jawmiraawo, hokku ɓe seyo e welwelo! Yiɗɓe kisndam maaɗa mbi'a foroy: “Allah woni mawɗo!”

⁶ Min ma mi laafuɗo, mi talakaajo, yaa Allah, war haa am law! An woni balloowo yam, kisnoowo yam, taa neeɓu, yaa Allah am!