Jabuura 43 - Fulfulde Bible

Tornde ngam gooŋɗineeki e kisndam

¹ Gooŋɗinam, yaa Allah! Jiŋngam yeeso yimɓe sooya gooŋgaaku'en, hisnam juuɗe fewooɓe e waɗooɓe zunuuba.

² An woni Allah aynoowo yam. Ngam ɗume a wudini yam? Ngam ɗume cuniimi? Ngam ɗume konne'en am toonyoto yam?

³ Neldu annoora ma e gooŋga ma! Ɗum ɗowammi, ɗum hoorammi haa hooseere ma seniinde, haa jooɗorde ma.

⁴ Nden mi ɓadititto hirsirde ma, yaa Allah, ngam a hokkatam seyo e welwelo. Mi maŋgtete bee moolooru, yaa Allah am!

⁵ Ko nafata to mi sunake, to mi uumi bana non? Ndikka mi tammoro Jawmiraawo. Ngam mi anndi mi yettan mo fahin, ngam kaŋko woni kisnoowo yam e Allah am!