Jabuura 4 - Fulfulde Bible

Do'aare kiikiiɗe

¹ Ngam kaliifaajo gime bee moolooji. Yimre Daawuda.

² Yaa Allah, to mi torake ma, jaabam, gooŋɗinoowo yam! Nder ɓillaare am, a hisni yam. Hinnam jonta, jaɓ tornde am!

³ Ndey accoton meeriɗingo daraja am, onon ɓiɓɓe Aadama? Ndey accoton yiɗugo kuuje meereeje? Ndey accoton yiɗugo fewre?

⁴ Annde! Jawmiraawo suɓani hoore mum tokkiiɗo mo bee gooŋga. To mi torake mo, o nanatam.

⁵ Ndiwne, acce waɗugo hakke! Sey ɓerɗe mon numta ɗum, saa'i on ɗon mbaali, on njeeɗo!

⁶ Lii'e kirseteeɗi pottuɗi, koole Jawmiraawo!

⁷ Ɗuuɗɓe ɗon mbi'a: “Moy hokkata en hayru?” Woonan min, yaa Jawmiraawo!

⁸ Seyo ngo a hokki yam, ɓuri ngo yimɓe mari yaake alkamaari e inaboojam ɗuuɗi!

⁹ Nde mi waaloto fuu, mi ɗaanoto jam, ngam an feere ma, yaa Jawmiraawo, a hakkilantam nder hoolɗinaare.