Jabuura 26 - Fulfulde Bible

Tornde goɗɗo laaɓɗo

¹ Yimre Daawuda. Gooŋɗinam, yaa Jawmiraawo, ngam mi laaɓɗo, mi hooli Jawmiraawo, mi dimmbataako sam!

² Linyam, yaa Jawmiraawo! Foondu gooŋgaaku am! Lincitu numooji am e anniyaaji ɓernde am!

³ Ngam tum mi ɗon siftora mbooɗeeŋga ma, mi ɗon tokko gooŋgaaku ma.

⁴ Mi jooɗodottaako bee faasiki'en, mi waancidittaa bee naafiki'en.

⁵ Mi ɗon wanya mooɓtorde waɗooɓe zunuuba, mi jooɗataako caka halluɓe.

⁶ Yaa Jawmiraawo, mi lootan juuɗe am ngam waŋgingo mi walaa aybe. Mi taaroto hirsirde ma, yaa Jawmiraawo,

⁷ ngam haa mi yima maŋgtoore ma bee sawtu, mi seedo kaayeefiiji ma fuu.

⁸ Yaa Jawmiraawo, mi yiɗi suudu ma, haa njooɗiiɗa e jooɗorde tedduŋgal ma.

⁹ Taa laaram bana ndaardata hakke'en, taa laaram bana ndaardata rufooɓe ƴiiƴam.

¹⁰ Juuɗe maɓɓe ɗon mbaɗa zunuuba, nyaamo koo moy maɓɓe heewi ngeenaari zammba.

¹¹ Ammaa min kam, mi laaɓɗo. Rimɗinam, mo'anam!

¹² Kosɗe am ɗon ndari haa nokkuure tabitnde, mi maŋgtan Jawmiraawo nder mooɓtorɗe jama'aare mum.