Jabuura 24 - Fulfulde Bible

Laamiiɗo tedduɗo

¹ Yimre Daawuda. Jawmiraawo mari lesdi e ko hebbini ndi fuu, non boo duniyaaru e jooɗiiɓe nder maaru fuu.

² Ngam kaŋko jo'ini ndu dow beeli, o tabitini ndu dow ndiyamji.

³ Moy heɓata wa'aago hooseere Jawmiraawo? Moy heɓata daraago haa nokkuure maako seniinde?

⁴ Mo juuɗe mum e ɓernde mum laaɓi, mo nufataako kuuje meereeje, mo hunataako dow fewre.

⁵ Jawmiraawo barkiɗinan mo, Allah Kisnoowo mo adilinan mo.

⁶ Yimɓe bana maako ngoni ɓaditittooɓe Jawmiraawo, ɗakkotiranɓe bee Allah mo Yaakubu.

⁷ Dammuɗe, ndare, pareeje ɓooymaaje, towe, haa laamiiɗo tedduɗo nasta!

⁸ Moy woni laamiiɗo tedduɗo oo? Ɗum Jawmiraawo, cemmbiɗɗo, baawɗo, Jawmiraawo baawɗo nder haɓre.

⁹ Dammuɗe, ndare, pareeje ɓooymaaje, towe, haa laamiiɗo tedduɗo nasta!

¹⁰ Moy woni laamiiɗo tedduɗo oo? Ɗum Jawmiraawo honooɓe asama, kaŋko woni laamiiɗo tedduɗo!