Jabuura 23 - Fulfulde Bible

Gaynaako booɗɗo

¹ Yimre Daawuda. Jawmiraawo woni gaynaako am, mi sooyataa koo ɗume.

² O ɗon siwtinammi haa durduɗe kecce, o ɗon yahrammi haa nokkuure siwtorde baŋnge ndiyam.

³ O ɗon semmbiɗina yoŋki am, o ɗon ɗowammi dow laawol darnuŋgol ngam tedduŋgal innde maako.

⁴ Koo to mi nasti waadiwol nyiɓre nyiɓɓunde, mi hulataa sarru sam, ngam an, yaa Jawmiraawo, a ɗon wondi bee am, sawru ma ɗon de'itinammi.

⁵ A ɗon nyaamnammi nyaamdu woondu, welndu, yeeso konne'en am. A ɗon wujo hoore am bee nebbam uurɗam, a ɗon hebbina jardugel am haa ɗon rufa.

⁶ Fakat hayru e mbooɗeeŋga ɗoftatam nder ngeendam am fuu, mi jooɗoto nder suudu Jawmiraawo haa fodde balɗe am fuu.