Jabuura 2 - Fulfulde Bible

Laamiiɗo mo Allah suɓi ɗum

¹ Koni ummaatooje umminta haala, koni jama'aaje nufoto numooji meereeji?

² Laamiiɓe duniyaaru ɗon taaski waɗugo fitina, tedduɓe boo ɗon kaɓɓa dabare dow Jawmiraawo e laamiiɗo mum mo o moyti.

³ Ɓe ɗon mbi'a: “Sey en ta'a kaɓɓorli maɓɓe, en cakkina ɓoggi maɓɓe daayiiɗum!”

⁴ Ammaa jooɗiiɗo haa asama ɗon jala ɓe, Jawmiraawo ɗon janca ɓe.

⁵ Nden o wolwanan ɓe bee tikkere, o hulnan ɓe bee ɓernuki maako, o wi'an:

⁶ “Min mi laamini laamiiɗo am dow Siyona, hooseere am seniinde.”

⁷ Mi wooynan ko Jawmiraawo taynori. O wi'i yam: “An woni ɓiɗɗo am, hannde mi danyi ma.

⁸ Ƴamam, mi hokkete ummaatooje duniyaaru haa yotto keeri maaru fuu, a rona ɗe.

⁹ A ɗiggina ɗe bee sawru njamndi, a sampita ɗe bana payanɗe loope.”

¹⁰ Jonta kam, onon laamiiɓe, laate hikma'en! Onon hiitooɓe duniyaaru, njaɓe feloore!

¹¹ Njaggane Jawmiraawo bee kulol, ngone nder seyo e diwŋgol!

¹² Kebbe Ɓiɗɗo oo, ngam taa o ɓerna, nden on kalka haa laawol mon. Ngam nii seɗɗa o ɓernan. Seyo laatani nyukkotooɓe haa maako.