Jabuura 15 - Fulfulde Bible

Moy jaɓɓeteeɗo dow hooseere Allah?

¹ Yimre Daawuda. Yaa Jawmiraawo, moy jaɓɓeteeɗo nder suudu laymaaru ma? Moy jooɗoto dow hooseere ma seniinde?

² Sey mo laatake timmuɗo nder yahdu mum, baɗanɗo adilaaku, bolwanɗo gooŋga bee ɓernde woore.

³ O waɗataa tufle, o waɗataa soobaajo maako kalluɗum, o hallintaa keeddiɗɗiraawo maako.

⁴ O yawoto mo Allah wudini, ammaa o teddinan hulɓe Jawmiraawo. O hebbinan kunayeeje maako, koo to ɗum waɗan mo asar.

⁵ O hokkataa nyamaande bee ndiyam, o jaɓataa ngeenaari ngam zammbaago mo walaa aybe. Baɗanɗo bana non dimmbataako haa foroy.