Jabuura 149 - Fulfulde Bible

Sey hoolaaɓe Jawmiraawo maŋgta mo

¹ Halleluya! Ngimane Jawmiraawo yimre hesre! Ngime maŋgtoore maako nder mooɓtorde hoolaaɓe maako!

² Ummaatoore Isra'iila seyoro tagɗo ɗum, yimɓe Siyona mbelmbelta ngam Laamiiɗo muuɗum'en!

³ Sey ɓe maŋgta innde maako bee gami, ngimane mo bee bawɗi e moolooji!

⁴ Jawmiraawo ɗon seyoro ummaatoore mum, o ɗon teddina toskaaɓe bee hisnugo ɓe!

⁵ Sey hoolaaɓe maako ceyoro tedduŋgal muuɗum'en, ɓe mbelmbelta koo ɓe ɗon mbaali dow be'itte maɓɓe.

⁶ Sey ɓe ngimana Allah maŋgtooje, ɓe njogo kaafaaje marɗe mbeldiiji ɗiɗi,

⁷ ngam waataago ummaatooje e hiitaago jama'aaje,

⁸ ngam haɓɓugo laamiiɓe maaje bee callalluuji, mawɓe maaje boo bee kaɓɓorli njamndi,

⁹ ɓe kiito ɓe bana ko winnda. Kanjum woni tedduŋgal ngam hoolaaɓe Allah fuu. Halleluya!