Jabuura 14 - Fulfulde Bible

Faataare e halleende yimɓe

¹ Ngam kaliifaajo gime. Yimre Daawuda. Faataaɓe ɗon mbi'a: “Allah walaa!” Fakat, ɓe mbonnake, ɓe ɗon mbaɗa ko nyiddi. Walaa baɗanɗo ko wooɗi.

² Diga asama, Jawmiraawo jimmiti, o ɗon laara ɓiɓɓe Aadama, haa o yi'a to woodi marɗo hakkiilo, ɓaditanɗo Allah.

³ Ammaa ɓe fuu ɓe celi laawol gooŋga, ɓe mbonnake. Walaa baɗanɗo ko wooɗi, walaa koo gooto!

⁴ Waɗooɓe zunuuba ɓe'e fuu, ngalaa hakkiilo na? Ɓe ɗon nyaama ummaatoore am bana nyaamugo nyaamdu, ammaa ɓe ewnataa innde Jawmiraawo.

⁵ Fakat, ɓe ndiwnan daliila kulol, ngam Allah ɗon caka adili'en.

⁶ On ɗon meeriɗina nufayeeje laafuɓe, ammaa Jawmiraawo woni hisrude maɓɓe.

⁷ Moy hokkata kisndam haa Isra'iila diga Siyona? To Jawmiraawo wartiri ummaatoore muuɗum diga jeyaaŋgu, nden kam danygol Yaakubu welweltan, Isra'iila seyoto.