Jabuura 137 - Fulfulde Bible

Ciftorki dahaaɓe haa Baabila

¹ Kommbi maaje Baabila njooɗiiɗen, nde en ciftori Siyona, en mboyi.

² En ɓili moolooji men haa leɗɗe kommbi maayo.

³ Ngam haa ton dahɓe en ƴami en gime, yarnooɓe en bone ngiɗi en ngima gimol seyo: “Ngimane min yimre Siyona!”

⁴ Noy ngimreten yimre Jawmiraawo nder lesdi njananndi?

⁵ To mi yejjiti ma, an Urusaliima, ndikka juŋngo am nyaamo waata!

⁶ To mi siftoraay ma, to mi ɓuraay seyoraago ma dow koo ɗume fuu, nden kam ɗemŋgal am takko nder hunnduko am!

⁷ Yaa Jawmiraawo, siftor ko Edoomi'en mbaɗi nyalaade berniwol Urusaliima do'i. Siftor no ɓe mbi'i: “Ngibbine ngol, mbile caɓɓaaje maagol fuu!”

⁸ An Baabila, berniwol bileteeŋgol! Barka laatanto baatanɗo ma ko mbaɗɗa min.

⁹ Barka laatanto naŋnganɗo ɓikkoy ma, o faɗɗira koy tapaare!