Jabuura 130 - Fulfulde Bible

Tammoraago Jawmiraawo

¹ Yimre jahaaŋgal haa Urusaliima. Yaa Jawmiraawo, mi ɗon ewno ma, ngam mi ɓilliiɗo masin.

² Nanam, yaa Jawmiraawo, heɗita tornde am!

³ To a limi aybeeji amin, yaa Jawmiraawo Allah, moy waawata daraago yeeso ma?

⁴ Ammaa haa maaɗa yaafuye woni, ngam haa yimɓe kule.

⁵ Mi ɗon tammoro Jawmiraawo. Ɓernde am ɗon tammoro mo. Mi ɗon hoolo wolde maako.

⁶ Mi ɗon yenwa Jawmiraawo masin, ko ɓuri aynoowo keppananɗo fajiri. Fakat ngenka am ɓuri keppanki maako.

⁷ Onon Isra'iila'en, koole Jawmiraawo, ngam haa maako mbooɗeeŋga woni, o dimɗinoowo mawɗo.

⁸ Kaŋko o rimɗinan yimɓe Isra'iila diga aybeeji maɓɓe fuu.