Jabuura 129 - Fulfulde Bible

Sey wanyɓe Siyona fuu tosko

¹ Yimre jahaaŋgal haa Urusaliima. “Diga mi derkeejo, yimɓe tokki ɓillugo yam – bana nii, sey Isra'iila wi'a,

² diga mi derkeejo, konne'en tokki ɓillugo yam, ammaa ɓe njaalaaki yam.

³ Remooɓe ndemi ɓaawo am, ɓe ndiidi kaatorooji juuɗɗi dow maago.

⁴ Jawmiraawo o adiliijo, o ta'i kaɓɓorli halluɓe.”

⁵ Sey wanyɓe Siyona fuu tosko, loro ɓaawo!

⁶ Ɓe laato bana huɗo dow soorowol. Ko yooran hiddeko goɗɗo ɗoofa ko,

⁷ walaa ba'anɗo ko koo seɗɗa, walaa baɗanɗo ba'e ngam hoorugo ko.

⁸ Saalotooɓe ton mbi'ataa on: “Barka Jawmiraawo dow mooɗon, min ɗon mbarkiɗina on bee innde Jawmiraawo.”