Jabuura 128 - Fulfulde Bible

Mbarjaari kulɗo Jawmiraawo

¹ Yimre jahaaŋgal haa Urusaliima. Barka laatanto koo moy kulɗo Jawmiraawo, tokkotooɗo laabi maako!

² A naftoran nafuuda kuugal ma, a heɓan barka e hayru.

³ Debbo ma laatoto bana inabohi dimanki, ɓikkoy ma taariikoy ma bana jaytunje kecce.

⁴ Bana nii kulɗo Jawmiraawo barkiɗinte.

⁵ Jawmiraawo barkiɗine diga Siyona, a yi'a hayru Urusaliima balɗe ma fuu.

⁶ Balɗe ma njuuta haa ngi'a taaniraaɓe ma. Salaaman laatano Isra'iila!