Jabuura 127 - Fulfulde Bible

Yettoore ngam mbooɗeeŋga Allah

¹ Yimre Suleymaanu ngam jahaaŋgal haa Urusaliima. To naa Jawmiraawo ɗon nyiɓa suudu, nyiɓooɓe ndu torroto meere. To naa Jawmiraawo ɗon ayna berniwol, aynooɓe ngol aynan meere.

² To on ummake fajiri cub, on tuurtake esaa'i, on keɓri nyaamdu mon bee torra, ko ɗum nafi? Ngam Jawmiraawo ɗon hokka bana non haa yiɗaaɓe mum saa'i ɓe ɗon ɗaani.

³ Ɓikkoy ngoni dokkal Jawmiraawo, danygol woni mbarjaari ndi o hokki.

⁴ Bana kuri haa juŋngo konoowo, non ɓiɓɓe worɓe danyaaɓe nder semmbe sukaaku.

⁵ Barka laatani marɗo kuri ɗuuɗɗi bana maaji nder ɓaaru mum. To o fotti bee konne'en maako haa dammugal berniwol, o semtintaake.