Jabuura 125 - Fulfulde Bible

Jawmiraawo ɗon ayna hoolotooɓe mo

¹ Yimre jahaaŋgal haa Urusaliima. Hoolotooɓe Jawmiraawo fuu nanndi bee hooseere Siyona nde dimmbataako, nde ɗon tabiti haa foroy.

² Bana kooseeje ɗon taari Urusaliima, non Jawmiraawo taarata ummaatoore muuɗum, diga jonta haa foroy.

³ Halluɓe tokkataako laamanaago maral adili'en, ngam taa adili'en puɗɗa waɗugo zunuuba.

⁴ Yaa Jawmiraawo, woonan wooɗɓe e gooŋɗa-ɓerɗe'en!

⁵ Jawmiraawo riiwa tokkotooɓe laabi leliiɗi hawtaade bee waɗooɓe halleende. Salaaman laatano Isra'iila!