Jabuura 124 - Fulfulde Bible

To Jawmiraawo wondaayno bee meeɗen

¹ Yimre Daawuda ngam jahaaŋgal haa Urusaliima. “To Jawmiraawo wondaayno bee meeɗen – sey yimɓe Isra'iila mbi'a bana nii,

² to Jawmiraawo wondaayno bee meeɗen saa'i yimɓe ukkani en,

³ ɓe moɗanno en en yeeɗɓe. Saa'i ɓernuki maɓɓe saati dow meeɗen,

⁴ ndiyamji boo ilnanno en daayiiɗum, maayo semmbiɗŋgo suddanno en,

⁵ ilamji cemmbiɗɗi boo cuddanno en.”

⁶ Yettoore laatano Jawmiraawo, ngam o accaay konne'en men kalka en.

⁷ En ndaɗi bana sonndu naŋngaandu nder tuuforgol loohoowo. Tuuforgol ta'i, en ndimɗi.

⁸ Ballal meeɗen ɗum innde Jawmiraawo, tagɗo asama e lesdi.