Jabuura 122 - Fulfulde Bible

Yelo salaaman ngam Urusaliima

¹ Yimre Daawuda ngam jahaaŋgal haa Urusaliima. Mi seyi nde yimɓe mbi'i yam: “Njemme haa suudu Jawmiraawo!”

² Jonta kosɗe amin njottake dammuɗe ma, an Urusaliima.

³ Urusaliima, a berniwol nyiɓaaŋgol, juɓɓindiraaŋgol booɗɗum.

⁴ Ton le'i Jawmiraawo mba'oto ngam maŋgtugo innde Jawmiraawo bana o umri ɗi.

⁵ Leese laamu ngam waɗugo kiita ɗon ton, laamiiɓe ɓe danygol Daawuda ɗon kiito ton.

⁶ Torane Urusaliima salaaman! Mbi'e: “Yiɗɓe ma njooɗo jam.

⁷ Salaaman laato nder mahi ma, jam boo nder cuuɗi ma booɗɗi.”

⁸ Ngam daliila deerɗiraaɓe e soobiraaɓe am mbi'anmi Urusaliima: “Salaaman dow maaɗa!

⁹ Ngam daliila suudu Jawmiraawo Allah men mi ɗon yelo hayru maaɗa!”