Jabuura 114 - Fulfulde Bible

Yimre Paska

¹ Nde yimɓe Isra'iila ngurti Misra, kamɓe danygol Yaakubu ɓe ceedi bee ummaatoore wolwannde wolde janannde,

² saa'i man lenyol Yahuuda laati jooɗorde Jawmiraawo seniinde, Isra'iila boo laati maral maako.

³ Maayo Maaliya yi'i ɗum, doggi. Maayo Urdun lorti ɓaawo.

⁴ Kooseeje picci bana jawɗi baali, kooseehon boo bana ɓiɓɓe dammooji.

⁵ An mbeela, ko doggin ma? An Urdun, ko lorni ma ɓaawo?

⁶ Onon kooseeje, ko waɗi on piccotoɗon bana jawɗi baali? Onon kooseehon boo, ko ndiwoton bana ɓiɓɓe dammooji?

⁷ An lesdi, diwnu yeeso Jawmiraawo, diwnu yeeso Allah Yaakubu,

⁸ mo laatinan tapaaje weendu, mo laatinan tapaare ɓurnde saatugo seeɓoore.