Jabuura 110 - Fulfulde Bible

Jawmiraawo e laamiiɗo mo o suɓi

¹ Yimre Daawuda. Jawmiraawo wolwani jawmam: “Jooɗa haa nyaamo am, haa to mi laatini konne'en ma jaaɓruɗum kosɗe ma.”

² Jawmiraawo yaajinan laamu ma diga Siyona. O wi'i: “Laama caka konne'en ma!”

³ Saa'i a ɗon dilla haɓre, yimɓe ma ɗon tokko ma bee ngiɗam muuɗum'en. Bana saawawre subaha, non suka'en ma ngardata haa maaɗa dow kooseeje ceniiɗe.

⁴ Jawmiraawo hunake, o mimsitittaako: “An woni limanjo haa foroy bana no Malkisadaka wa'no.”

⁵ Jawmiraawo ɗon dari haa nyaamo ma, nyannde o ɓerni, o do'an laamiiɓe.

⁶ O ɗon hiito ummaatooje, ɓalli mbaraaɓe ɗon mbaagi, o mbardi hoore'en ɗuuɗɓe nder lesdi jaasndi.

⁷ O yaran ndiyam haa maayel kommbi laawol maako, ngam man o ɓaŋgtan hoore maako.