Jabuura 108 - Fulfulde Bible

Maŋgtoore Allah e tornde ballal

¹ Yimre Daawuda.

² Mi hoolake ma, yaa Allah, mi hoolake ma fakat! Mi yiman, mi maŋgtete bee yoŋki am fuu.

³ Hiddeko weeta, mi fina, mi fiya moolooru am bee hoodu am!

⁴ Mi yettete caka ummaatooje, yaa Jawmiraawo! Mi yimante caka jama'aaje!

⁵ Ngam mbooɗeeŋga ma ɗon yaha gaɗa asamanji, gooŋgaaku ma boo yottake duule.

⁶ Yaa Allah, maŋngu ma ɓaŋgo dow asamanji! Tedduŋgal ma ɓaŋgo dow duniyaaru fuu!

⁷ ngam haa yiɗaaɓe ma kisa! Hisnu min bee nyaamo ma, jaabam!

⁸ Allah wolwi nder haykaliiru mum seniindu, wi'i: “Mi jaaloto, mi senndan Sikem, mi foondan waadiwol Sukkot.

⁹ Gile'at min jeyi, non boo Manassa, Efrayim woni hufneere am njamndiire, Yahuuda woni sawru laamu am.

¹⁰ Mo'ab woni yiiworde am, mi sakkinan faɗo am dow lesdi Edoom, mi umminan gookaali dow lesdi Filistiya.

¹¹ Moy yahratammi nder berniwol cemmbiɗŋgol? Moy ɗowatammi haa Edoom?”

¹² Yaa Allah, gooŋga a wudini min na? A acci wondugo bee jama'aaje konu amin na?

¹³ Wallu min jaalaago konne'en amin! Ngam ballal yimɓe nafataa sam!

¹⁴ To Allah ɗon wondi bee meeɗen, en keɓan jaalorgal, ngam kaŋko dammata konne'en meeɗen!