Jabuura 101 - Fulfulde Bible

Anniya laamiiɗo tokkaago gooŋgaaku Allah

¹ Yimre Daawuda. Mi yiman haala mbooɗeeŋga e kiita ngooŋɗuka, mi yiman ɗum ngam maaɗa, yaa Jawmiraawo.

² Mi tokkoto laawol timmuɓe, mi selataa sam. Ndey ngarata haa am? Mi yeeɗan ngeendam laaɓɗam nder saare am,

³ mi laarataa kuuje meereeje. Mi ɗon wanya kuuɗe tuurtuɓe dow Allah, walaa ko yaali yam bee maaje.

⁴ Yiɗɓe fewre ndaayo yam, mi yiɗaa anndugo halluɓe.

⁵ Baɗanɗo keeddiɗɗum tufle, mi je'inan ɗum. Mi ɓusataa mawnitiiɓe e mantotooɓe.

⁶ Ammaa mi hakkilanan hoolaaɓe nder lesdi, ngam ɓe njooɗodo bee am. Tokkotooɓe laawol gooŋga njagganto yam.

⁷ Walaa naafikiijo jooɗoto nder saare am, pewoowo darataako yeeso am.

⁸ Nde weeti fuu mi je'inan halluɓe nder lesdi, haa mi nattina waɗooɓe zunuuba fuu nder berniwol Jawmiraawo.