Jabuura 100 - Fulfulde Bible

Ngimane Jawmiraawo

¹ Yimre yettoore. Ngimane Jawmiraawo, onon yimɓe duniyaaru fuu,

² njaggane Jawmiraawo bee welwelo, ngare yeeso maako bee gime seyo.

³ Annde, Jawmiraawo woni Allah, kaŋko tagi en, o mari en, en ummaatoore maako e tokkere maako.

⁴ Naste dammuɗe maako bee yettoore, naste dalde haykaliiru maako bee yettoore, ngette mo, maŋgte innde maako.

⁵ Ngam Jawmiraawo o booɗɗo, mbooɗeeŋga maako ɗon haa abada, gooŋgaaku maako ɗon diga yidere haa yidere.