Esira 10 - Fulfulde Bible

Yahuudu'en ceeri rewɓe muuɗum'en jananɓe

¹ Saa'i Esira ɗon toro Allah, ɗon waŋgina hakkeeji Isra'iila, ɗon woya, ɗon tuggi koppi yeeso haykaliiru Allah, jama'aare Isra'iila ɗuuɗnde mooɓi haa maako, worɓe e rewɓe e ɓikkoy, ɓe fuu ɓe ɗon mboya masin.

² Sekaniya ɓii Yehiyel, goɗɗo danygol Elam, wi'i Esira: “Min luuti umroore Allah meeɗen bee te'ugo ɓiɓɓe rewɓe ummaatooje gonɗe nder lesdi man. Ammaa tammunde ngam Isra'iila ɗon tawon.

³ Sey en kaɓɓa alkawal bee Allah meeɗen jonta, haa min ngurtina rewɓe jananɓe e ɓikkoy muuɗum'en fuu, min tokko sawari maaɗa, naywa e sawari ɗowtaniiɓe umroore Allah men. Sey en mbaɗa fodde tawreeta.

⁴ Umma jonta, ɗum kuugal maaɗa, min mballete. Tiɗɗin ɓernde ma, waɗ ɗum!”

⁵ Esira ummi, hunni mawɓe liman'en e Lewi'en e Isra'iila'en fuu, haa ɓe mbaɗa bana non. Ɓe mbaɗi hunayeere man.

⁶ Nden Esira dilli diga nokkuure muuɗum yeeso haykaliiru Allah, nasti suudu Yehohanan ɓii Eliyasib. O yehi ton, o nyaamaay, o yaraay, ɓernde maako ta'i ngam sooynde hoolaare wartuɓe daheeki.

⁷ Ɓaawo man ɓe mbaɗi wooynaandu nder lesdi Yahuuda e nder Urusaliima ngam haa ɓe mooɓta wartuɓe daheeki fuu haa Urusaliima.

⁸ Ardiiɓe e ndotti'en carwootiri, mbi'i: “Mo waraay nder nyalɗe tati, min koo'an maral maako fuu, min ngurtinan mo jama'aare wartuɓe.”

⁹ Worɓe Yahuuda e Benyamin fuu mooɓi haa Urusaliima nder nyalɗe tati. Ɗum nyalaade noogasre nder lewru joweenayaɓru. Ɓe njooɗi haa daldal haykaliiru Allah, ɓe ɗon ndiwna ngam haala man e ngam iyeende ɗon toɓa boo.

¹⁰ Esira, limanjo dari, wi'i ɓe: “On mbaɗi kalluɗum bee te'ugo ɓiɓɓe rewɓe jananɓe, on tullitini aybe Isra'iila.

¹¹ Ngam maajum mbaŋgine hakke mooɗon yeeso Jawmiraawo, Allah kaakiraaɓe mooɗon. Mbaɗe ko fottani mo: Cenndire bee ummaatooje goɗɗe gonɗe nder lesdi, ceere rewɓe mon jananɓe boo.”

¹² Mooɓre fuu jaabi bee sawtu: “Nonnon, sey min mbaɗa ko mbi'ɗa.

¹³ Ammaa yimɓe ɗuuɗi, ɗum nduŋngu boo. Daraago haa yaasi, caɗɗum. En mbaawataa ta'ugo haala man nder nyalaade woore koo ɗiɗi, ngam ɗuuɗɓe amin mbaɗi aybe man.

¹⁴ Ndikka ardiiɓe amin ta'a haala man ngam jama'aare fuu. Koo moy nder gure amin, mo te'i debbo jananno, wara yeeso maɓɓe nder saa'iire ta'aande, hawtaade bee ndotti'en e hiitooɓe wuro muuɗum, haa en peewtina tikkere Allah saatunde dow meeɗen ngam daliila haala ka.”

¹⁵ Ammaa Yonatan ɓii Asa'el e Yahajeya ɓii Tikuwa ngerdaaki, Mesullam e Sabetay Lewiijo boo mballi ɓe.

^16-17 Wartuɓe daheeki mbaɗi bana non. Esira, limanjo suɓi woɗɓe baaba-ci'e'en, koo moy fodde yeɓre saare mum. O ewni ɓe innde innde. Nyannde go'oore nder lewru sappooru ɓe kawti, ɓe njooɗi, ɓe puɗɗi linyugo haala te'ɓe rewɓe jananɓe fuu. Ɓe timmini kuugal maɓɓe nyannde go'oore nder lewru aranndu.

¹⁸ Caka liman'en, ndaa te'ɓe ɓiɓɓe rewɓe jananɓe: Caka ɓiɓɓe Yeesu'a ɓii Yocadak e banndiraaɓe muuɗum: Ma'aseya e Eli'azaaru e Yariba e Gedaliya.

¹⁹ Ɓe ngerdi seerugo rewɓe maɓɓe. Ɓe ngaddi njawdiri mbaalu ndi kirseteendi ngam aybe maɓɓe.

²⁰ Caka ɓiɓɓe Immer, ɓe'e: Hanani e Sebadiya.

²¹ Caka ɓiɓɓe Harim, ɓe'e: Ma'aseya e Eliya e Sema'ya e Yehiyel e Uzziya.

²² Caka ɓiɓɓe Pashuuru, ɓe'e: Eliyo'enay e Ma'aseya e Isma'iilu e Netaneyel e Yozabat e El'aasa.

²³ Caka Lewi'en: Yozabat e Sim'i e Kelaya bi'eteeɗo boo Kelita e Petahiya e Yahuuda e Eli'ezer.

²⁴ Caka yimooɓe: Eliyasib. Caka aynooɓe dammuɗe: Sallum e Telem e Uuri.

²⁵ Caka yimɓe Isra'iila boo: Nder danygol Par'os, ɓe'e: Ramiya e Ijjiya e Malkiya e Miyamin e Eli'azaaru e Malkiya e Benaya.

²⁶ Nder danygol Elam: Mattaniya e Zekariya e Yehiyel e Abdi e Yeremot e Eliya.

²⁷ Nder danygol Zattu, ɓe'e: Eliyo'enay e Eliyasib e Mattaniya e Yeremot e Zabada e Aziza.

²⁸ Nder danygol Bebay: Yehohanan e Hananiya e Zabbay e Atalay.

²⁹ Nder danygol Baani: Mesullam e Malluku e Adaya e Yasuba e Seyal e Ramot.

³⁰ Nder danygol Pahat-Mo'ab: Adana e Kelal e Benaya e Ma'aseya e Mattaniya e Becaleel e Binnuy e Manassa.

³¹ Nder danygol Harim: Eli'ezer e Yissiya e Malkiya e Sema'ya e Simeyon

³² e Benyamin e Malluku e Semariya.

³³ Nder danygol Hasum: Mattenay e Mattattay e Zabada e Elifelet e Yeremay e Manassa e Sim'i.

³⁴ Nder danygol Baani: Ma'aday e Amram e Uyel

³⁵ e Benaya e Bediya e Keluhi

³⁶ e Waniya e Meremot e Eliyasib

³⁷ e Mattaniya e Mattenay e Ya'asay.

³⁸ Nder danygol Binnuy: Sim'i

³⁹ e Selemiya e Natan e Adaya

⁴⁰ e Makanadebay e Sasay e Saray

⁴¹ e Azareyel e Selemiya e Semariya

⁴² e Sallum e Amariya e Yusufu.

⁴³ Nder danygol Nebo: Ye'iyel e Mattitiya e Zabada e Zebina e Yadday e Yo'el e Benaya.

⁴⁴ Kamɓe fuu ɓe te'uno rewɓe jananɓe. Rewɓe woɗɓe ndanydino bee maɓɓe.