Zekaria 2 - Biblia alo Ŋɔŋlɔ Kɔkɔe La Le Eʋegbe Me 1913

Lãdzo eneawo kple nutala eneawo

¹ Tete mefɔ ko dzi heɖo ŋku anyi, eye mekpɔ lãdzo ene,

² Eye megblɔ na mawudɔla, si ƒo nu kplim bena; Nusiawo gɔme ɖe?. Eɖo ŋu nam bena; Woawoe nye lãdzo, siwo kaka Yuda, Israel kple Yerusalem hlẽ la.

³ Eye Yehowa na mekpɔ gbeɖe ene.

⁴ Tete megblɔ be; Nuka wɔ ge amesiawo va? Eɖo ŋu bena; Esiawo nye lãdzo, siwo kaka Yuda hlẽ, ale be amea ɖeke megafɔ ta dzi o la; eyata wova, be yewoaɖo ŋɔdzi na wo, eye yewoatutu dukɔ, siwo kɔ dzo dzi ɖe Yuda-nyigba ŋu, be woakakae ahlẽ la ƒe dzowo aƒu anyi.

Ŋutsu la kple nudzidzeka la.

⁵ Tete mefɔ kɔ dzi heɖo ŋku anyi, eye mekpɔ ŋutsua ɖe le dzidzeka ɖe asi.

⁶ Eye megblɔ bena: Afika nèyina? Eɖo ŋu nam bena; Yerusalem dzidze ge meyina, ne niakpɔ alesi wòkeke kple alesi wòdidii.

⁷ Eye mawudɔla, si ƒo nu kplim la ɖo, eye mawu-dɔla bubu do va kpee.

⁸ Tete wògblɔ nɛ bena: Ɖe abla naɖagblɔ na ɖekakpuivi ma bena: Yerusalem anɔ nuvo le ame kple lã geɖe, siwo anɔ eme la ta.

⁹ Nye ŋutɔ manye dzogli anɔ eŋu godoo, eye manye atsyɔ̃ ana eme; Yehowa ye gblɔe.

¹⁰ Hee! hee! Misi tso anyiehenyigba dzi, Yehowa ye gblɔe; elabena mekaka mi hlẽ ɖe dziƒo ƒe ya eneawo dzi, Yehowa ye gblɔe!

¹¹ Hee! Mi amesiwo le Babel-nyɔnuvi gbɔ, misi yi Zion!

¹² Elabena ale Yehowa Zebaot gblɔ esi. Bubu ta wòdɔm ɖe dukɔ; siwo ha mi la gbɔ ɖo; elabena amesi ka asi mia ŋu la, eka asi eƒe ŋkuvi ŋu.

¹³ Kpɔ ɖa, manyẽ nya asi ɖe wo ŋu, ne woazu aboyonu na woƒe kluviwo, eye miadze sii be, Yehowa Zebaot ye ɖɔm ɖa.

¹⁴ Zion-nyɔnuvi, tso aseye nakpɔ dzidzɔ; elabena megbɔna, be manɔ dowòme, Yehowa ye gblɔe!

¹⁵ Ɣemaɣi la dukɔ geɖewo aku ɖe Yehowa ŋu ahazu nye dukɔ, eye manɔ dowòme, ne nadze sii be, Yehowa Zebaot ye dɔm ɖe gbɔwò.

¹⁶ Yehowa axɔ Yuda awɔ eya ŋulɔ tɔe le anyigba kɔkɔe la dzi, eye wòagatia Yerusalem.

¹⁷ Ŋutilãwo katã nezi ɖoɖoe le Yehowa ŋku me! Elabena efɔ tso eƒe nɔƒe kɔkɔe la.