Yosua 21 - Biblia alo Ŋɔŋlɔ Kɔkɔe La Le Eʋegbe Me 1913

Lewitɔwo ƒe nɔƒewo.

¹ Eye Lewi-to la ƒe amegãwo va nunɔla Eleazar kple Yosua, Nun vi, kpakple Israel-tɔwo ƒe ƒomeawo ƒe amegãwo gbɔ,

² eye wogblɔ na wo le Silo le Kanaan-nyigba dzi bena: Yehowa ɖe se to Mose dzi bena, woana duwo mí mianɔ me kple wo ŋu nyigbawo hena míaƒe lãwo.

³ Tete Israel-viwo ɖe du siawo kple wo ŋu nyigba wole woƒe anyigbawo ŋu tsɔ na Lewitɔwo, abe alesi Yehowa gblɔ ene.

⁴ Tete dzidze dze Kehat-viwo ƒe ƒomewo dzi, eye wodzidze nu tsɔ du wuietɔ̃ na nunɔla Aron-viwo, siwo nye Lewitɔwo la, ɖe Yuda-to, Simeon-to kple Benyamin-to me;

⁵ eye wodzidze nu tsɔ du ewo na Kehat-vi mamleawo ɖe Efrayim-to ƒe ƒomeawo kple Dan-to kpakple Manase ƒe to afã la me.

⁶ Wodzidze nu tsɔ du wuietɔ̃ na Gerson-viwo ɖe Isaxar-to la ƒe ƒomeawo kple Aser-to, Naftali-to kple Manase ƒe to afã, si le Basan la me;

⁷ eye wona du wuieve Merari-viwo le woƒe ƒomewo nu ɖe Ruben-to, Gad-to kple Zebulon-to la me.

⁸ Eye Israel-viwo dzidze nu tsɔ du siawo kple wo ŋu nyigbawo na Lewitɔwo, abe alesi Yehowa de se to Mose dzi ene.

⁹ Du, siwo wona ɖe Yuda-viwo to kple Simeon-viwo to me ƒe ŋkɔwo nye si:

¹⁰ Du, siwo wona Aron-viwo, siwo nye Kehat-ƒomeawo tso Lewi-viwo dome la, wonye — elabena eya dzi dzidze; gbãtɔ dze —

¹¹ Arba, si nye Enak fofo ƒe du, eya nye Xebron le Yuda-to la dzi hekpe ɖe lãnyiƒe, si le eŋu la ŋuti.

¹² Ke wotsɔ, agble, si le dua ŋuti, kple eƒe kɔƒewo na Kaleb, Yefune vi, wònye etɔ.

¹³ Du, siwo wotsɔ na nunɔla Aron-viwo, wonye: Xebron, si nye sitsoƒe na hlɔ̃dola kple eŋu lãnyiƒe, Libna kple eŋu lãnyiƒe,

¹⁴ Yatir kple eŋu lãnyiƒe, Estemoa kple eŋu lãnyiƒe,

¹⁵ Xolon kple eŋu lãnyiƒe, Debir kple eŋu lãnyiƒe,

¹⁶ Ayin kple eŋu lãnyiƒe, Yuta kple eŋu lãnyiƒe kpakple Bet-Semes kple eŋu lãnyiƒe; wole du asieke le to eve siawo me,

¹⁷ Esiwo le Benyamin-to la me, wonye: Gibeon kple eŋu lãnyiƒe, Geba kple eŋu lãnyiƒe,

¹⁸ Anatot kple eŋu lãnyiƒe kpakple Almon kple eŋu lãnyiƒe wole ɖu ene.

¹⁹ Nunɔla Aron-viwo ƒe duwo katã le du wuietɔ̃ kple wo ŋu lãnyiƒewo.

²⁰ Du, siwo wodzidze nu tsɔ na Kehat-viwo ƒe ƒome mamleawo, siwo nye Lewitɔwo ɖe Efrayim-to la me, wonye.

²¹ Sixem, si nye sitsoƒe na hlɔ̃dola, le Efrayim-to dzi kple eŋu lãnyiƒe. Gezer kple eŋu lãnyiƒe,

²² Kibzayim kple eŋu lãnyiƒe kpakple Bet-Xoron kple eŋu lãnyiƒe; wole du ene.

²³ Esiwo le Dan-to la me, wònye: Elteke kple eŋu lãnyiƒe, Gibeton kple eŋu lãnyiƒe,

²⁴ Ayalon kple eŋu lãnyiƒe kpakple Gat-Rimon kple eŋu lãnyiƒe; wole du ene.

²⁵ Esiwo le Manase-to afã la me, wonye: Tanax kple eŋu lãnyiƒe kpakple Yibleam kple eŋu lãnyiƒe; wole du eve.

²⁶ Kehat-viwo ƒe ƒome mamlea ƒe duwo katã le du ewo kple wo ŋu lãnyiƒewo.

²⁷ Du, siwo Gerson-viwo, amesiwo tso Lewitɔwo ƒe ƒome la me, xɔ ɖe Manase ƒe to afã me, wonye: Golan le Basan, si nye sitsoƒe na hlɔ̃dola, kple eŋu lãnyiƒe kpakple Beestera kple eŋu lãnyiƒe; wole ɖu eve.

²⁸ Esiwo le Isaxar ƒe to la me, wonye Kisyon kple eŋu lãnyiƒe, Daberat kple eŋu lãnyiƒe,

²⁹ Yarmut kple eŋu lãnyiƒe kpakple En-Ganim kple eŋu lãnyiƒe, wole du ene.

³⁰ Esiwo le Aser-to la me, wonye: Misal kple eŋu lãnyiƒe, Abdon kple eŋu lãnyiƒe,

³¹ Xelkat kple eŋu lãnyiƒe kpakple Rexob kple eŋu lãnyiƒe; wole du ene

³² Esiwo le Naftali-to la me, wonye. Kedes le Galilea, si nye sitsoƒe na hlɔ̃dola kple eŋu lãnyiƒe, Xamot-Dor kple eŋu lãnyiƒe kpakple Kartan kple eŋu lãnyiƒe; wole du etɔ̃.

³³ Gerson-ƒomeawo ƒe duwo katã le du wuietɔ̃ kple wo ŋu lãnyiƒewo.

³⁴ Du, siwo Merari-viwo ƒe ƒomewo, siwo nye Lewitɔ mamleawo, xɔ ɖe Zebulon-to la me, wonye. Yokneam kple eŋu lãnyiƒe, Karta kple eŋu lãnyiƒe,

³⁵ Dimna kple eŋu lãnyiƒe kpakple Nahalal kple eŋu lãnyiƒe, wole du ene.

³⁶ Esiwo le Ruben-to la me, wonye: Bezer kple eŋu lãnyiƒe, Yaza kple eŋu lãnyiƒe,

³⁷ Kedemot kple eŋu lãnyiƒe kpakple Mefaat kple eŋu lãnyiƒe.

³⁸ Esiwo le Gad-to la me, wònye Ramot le Gilead, si nye sitsoƒe na hlɔ̃dola kple eŋu lãnyiƒe, Maxanim kple eŋu lãnyiƒe,

³⁹ Xesbon kple eŋu lãnyiƒe kpakple Yazer kple eŋu lãnyiƒe; wo katã le du ene.

⁴⁰ Du, siwo katã wodzidze nu tsɔ na Merari-ƒomeawo, siwo nye Lewitɔwo ƒe ƒome mamleawo la, le du wuieve.

⁴¹ Lewitɔwo ƒe du, siwo katã le Israel-viwo ƒe anyigba dzi la, le du blane vɔ enyi kple wo ŋu lãnyiƒewo.

⁴² Du siawo katã nye du ɖekaɖekawo, eye lãnyiƒewo le wo ŋu godoo va kpe.

Ŋugbedodo la va me.

⁴³ Ale Yehowa tsɔ anyigba blibo la na Israel, abe alesi wòka atam na wo fofowo ene, eye woxɔe hetso aƒe ɖe edzi.

⁴⁴ Eye Yehowa na wokpɔ gbɔdzɔe le afisiafi, abe alesi wòka atam na wo fofowo pɛpɛpɛ ene; woƒe futɔwo katã dometɔa ɖeke menɔ te ɖe wo nu o, ke boŋ Yehowa tsɔ woƒe futɔwo katã de asi na wo.

⁴⁵ Nyaa ɖeke meto le nya nyui, siwo katã Yehowa gblɔ na Israel ƒe aƒe la me o, wo katã va me pɛpɛpɛ.