Yosua 15 - Biblia alo Ŋɔŋlɔ Kɔkɔe La Le Eʋegbe Me 1913

Yuda-to ƒe liƒowo kple duwo.

¹ Eye Yuda-viwo ƒe to la xɔ woƒe gome le woƒe ƒomeawo nu ɖe dziehe la, Edom ƒe liƒo ŋu, le Zin-gbedzi le dziehe kekeake.

² Woƒe dzieheliƒo tso Dzeƒu la ƒe mlɔenu, afisi ƒu la wɔ adɔ̃ nyẽ kpo ɖe dziehe gome le,

³ eye wòva to Akrabim-to ƒe dziehe gome vaseɖe Zin, eye wòmlo va zɔ Kades-Barnea ƒe dziehe vaseɖe Xezron, eto Adar hegɔdɔ̃ mɔ to Karka

⁴ vaseɖe Azmon, eye wòzɔ Egipte-tɔʋu la ŋu va wu nu ɖe ƒu nu. Esia nye miaƒe dzieheliƒo.

⁵ Ɣedzeƒeliƒo tso Dzeƒu la nu vaseɖe Yordan nu, eye anyieheliƒo tso adɔ̃, si le Yordan ƒe mlɔenu la nu

⁶ vaseɖe Bet-Xogla, eye wòmlo zã Bet-Araba ƒe anyiehe to Bohan, Ruben vi, ƒe kpe la gbɔ

⁷ hezɔ Axor-bali la me vaseɖe Debir, eye wònyè kpo to Gilgal, si le Adumim-to dzi mo kasa la, ƒe anyiehe le tonu la ƒe dziehe gome; emegbe liƒo la va to En-Semes-tɔ la ŋu va ke ɖe Rogel ƒe vudo la gbɔ.

⁸ Eye liƒo la zɔ Ben-Hinom-bali la me va to Yebusitɔwo ƒe to la ŋu le dziehe, esia nye Yerusalem; eyome liƒo la zɔ to, si le Hinom-bali la nu le ɣetoɖoƒe gome la tame le Refaim-bali la ƒe mlɔenu le anyiehe gome,

⁹ eye wòtso to sia tame va to Neftoax ƒe tsivudo la gbɔ heɖo ta ɖu, siwo le Efron-to dzi la gbɔ vaseɖe Baala, esia nye Kiryat-Yearim.

¹⁰ Eye liƒo la tro tso Baala ɖo ta Seir-to gbɔ le ɣetoɖoƒe heva zɔ Har-Yearim-to la ŋu le anyiehe, esia nye Kesalon, eye wòmlo to Bet-Semes vaseɖe Timna.

¹¹ Emegbe liƒo la zɔ Ekron-to la ŋu le anyiehe vaseɖe Sikron, eye wòmlo to Baala-to la tame ɖo ta Yabneel va wu nu ɖe ƒu nu.

¹² Eye ɣetoɖoƒeliƒo enye ƒu gã la kple eŋu nyigbawo. Esia nye Yuda-viwo ƒe liƒo godoo va kpe le woƒe ƒomeawo nu.

¹³ Eye Yosua tso Arba, Enakitɔwo fofo, ƒe du, si nye Xebron la na Kaleb, Yefune vi, ɖe Yuda viwo dome, abe alesi Yehowa gblɔ ne ene.

¹⁴ Eye Kaleb nyã Enakitɔ etɔ̃ Sesai, Aximan kple Talmai, amesiwo Enak ŋutɔ dzi la ɖa tso afima.

¹⁵ Emegbe woho aʋa ɖe Debirtɔwo ŋu; tsã la woyia Debir bena Kiryat-Sefer.

¹⁶ Eye Kaleb gblɔ bena: Amesi ke aɖu Kiryat-Sefer dzi, eye wòaxɔe la, matsɔ vinyenyɔnu Axsa nɛ wòaɖe.

¹⁷ Esi Otniel, Kaleb nɔvi Kenas ƒe viŋutsu, xɔe la, etsɔ vianyɔnu Axsa nɛ wòɖe.

¹⁸ Eye esi wòkplɔe la, nyɔnu la ɖo dali nɛ be, yeaɖabia agble ye fofo, eye wòɖi tso tedzi la dzi; tete Kaleb biae bena: Nya kae le asiwò?

¹⁹ Eɖo ŋu be: Yram, elabena ètsɔ dziehenyigba nam xoxo, eyata tso tsivudoawo hã nam! Tete Kaleb tso vudo, siwo le to dzi kple bali me la nɛ.

²⁰ Esia nye Yuda-viwo ƒe to la ƒe anyigba le woƒe ƒomeawo nu.

²¹ Du, siwo tso Yuda-viwo ƒe to la ƒe mlɔenu vaseɖe Edom ƒe liƒo ŋu le dziehe, wonye: Kabzel, Eder, Yagur,

²² Kina, Dimona, Adada,

²³ Kedes, Xazor, Yitnan,

²⁴ Sif, Telem, Bealat,

²⁵ Xazor-Xadata, Keriot-Xezron, eya nye Xazor,

²⁶ Amam, Sema, Molada,

²⁷ Xazar-Gada, Xesmon, Bet-Palet,

²⁸ Xazar-Sual, Beer-Seba, Bizyoteya,

²⁹ Baala, Iyim, Azem,

³⁰ Eltolad, Kesil, Xorma,

³¹ Ziklag, Madmana, Sansana,

³² Lebaot, Silxim, Ain kple Rimon. Wo katã le du blaetɔ̃ vɔ asieke hekpe ɖe woƒe koƒewo ŋu.

³³ Esiwo le gbadzaƒe, wonye: Estaol, Zora, Asna,

³⁴ Zanoax, En-Ganim, Tapuax, Enam,

³⁵ Yarmut, Adulam, Soxo, Azeka,

³⁶ Saarayim, Aditayim, Gedera kple Gederotayim. Wole du wuiene hekpe ɖe woƒe koƒewo ŋu.

³⁷ Zenan, Xadasa, Migdal-Gad,

³⁸ Dilean, Mizpe, Yokteel,

³⁹ Laxis, Bozkat, Eglon,

⁴⁰ Kabon, Laxmas, Kitlis,

⁴¹ Gederot, Bet-Dagon, Naama kple Makeda. Wole du wuiade hekpe ɖe woƒe koƒewo ŋu.

⁴² Libna, Eter, Asan,

⁴³ Yiftax, Asna, Nezib,

⁴⁴ Kegila, Axsib, Masera. Wole ɖu asieke hekpe ɖe woƒe koƒewo ŋu.

⁴⁵ Ekron kple eŋu duwo kple eŋu koƒewo,

⁴⁶ du, siwo katã tso Ekron kple ɣetoɖoƒe gome va ke ɖe Asdod kple eŋu kɔƒewo gbɔ:

⁴⁷ Asdod kple eŋu duwo kple eŋu kɔƒewo, Gaza kple eŋu duwo kple eŋu kɔƒewo vaseɖe Egipte-tɔʋu la ŋu, eye ƒu gã la enye liƒo.

⁴⁸ Du, siwo le towo dzi, wonye: Samir, Yatir, Soxo,

⁴⁹ Dana, Kiryat-Sana, eya nye Debir,

⁵⁰ Anab, Estemo, Anim,

⁵¹ Gosen, Xolon kple Gilo. Wole du wuiɖekɛ hekpe ɖe woƒe koƒewo ŋu.

⁵² Arab, Duma, Esan,

⁵³ Yanum, Bet-Tapuax, Afeka,

⁵⁴ Xumta, Kiryat-Arba, eya nye Xebron kple Zion Wole du asieke hekpe ɖe woƒe koƒewo ŋu.

⁵⁵ Maon, Karmel, Zif, Yuta,

⁵⁶ Yesreel, Yokdeam, Zanoax.

⁵⁷ Hakayin, Gibea kple Timna. Wole du ewo hekpe ɖe woƒe koƒewo ŋu.

⁵⁸ Xalxul, Bet-Zur, Gedor,

⁵⁹ Maarat, Bet-Anot kple Eltekon. Wole du ade hekpe ɖe woƒe koƒewo ŋu.

⁶⁰ Kiryat-Baal, eya nye Kirvat-Yearim, kpakple Xaraba. Wole du eve hekpe ɖe woƒe kɔƒewo ŋu.

⁶¹ Du, siwo le gbedzi, wonye: Bet-Araba, Midin, Sexaxa,

⁶² Nibsan, Ir-Hamelax kple En-Gedi. Wole du ade hekpe ɖe woƒe kɔƒewo ŋu.

⁶³ Ke Yuda-viwo mete ŋu nyã Yebusitɔ, siwo le Yerusalem la ɖa o, eyata Yebusitɔwo tsi Yerusalem le Yuda-viwo dome vaseɖe egbe.