Psalmowo 95 - Biblia alo Ŋɔŋlɔ Kɔkɔe La Le Eʋegbe Me 1913

Akpedada kple toɖoɖo.

¹ Mitso! Mina míatso aseye ɖe Yehowa ŋu, eye míagli kple dzidzɔ ɖe míaƒe xɔname ƒe agakpe la ŋu!

² Mina míatsɔ akpedada ado ɖe eƒe ŋku me, eye míatsɔ kafukafuhawo atso aseye ɖe eŋu.

³ Elabena Mawu gã enye Yehowa kple fia ga de mawuwo katã dzi.

⁴ Eya si me anyigba ƒe globoƒewo le, eye etɔe nye towo ƒe tsutsuẽƒe;

⁵ etɔe nye atsiaƒu, si wòwɔ, kple ƒuƒuiƒe, si eƒe asi wɔ.

⁶ Miva, mina míabɔbɔ ade ta agu adze klo de Yehowa, mía wɔla, ŋku me!

⁷ Elabena eya nye mía Mawu, eye míawo míenye dukɔ le eƒe lãnyiƒe kple eƒe si me lẽwo. Egbegbe, ne miese eƒe gbe la,

⁸ migasẽ miaƒe dzime ahe le Meriba kple gbemagbe le Masa le gbeadzi ene o!

⁹ Afisi mia fofo wo tem kpɔ, eye wodom kpɔ le, evɔ wonye wokpɔ nye nuwɔwɔwo hafi.

¹⁰ Ƒe blane sɔŋ ƒome sia nyɔ ŋu nam, eye megblɔ be: Dukɔ, si ƒe dzi tre mɔ, wonye eye womenya nye mɔwo o;

¹¹ ale be meke atam le nye dziku me be: Ne woahade nye gbɔdemeƒe la fi!