Psalmowo 92 - Biblia alo Ŋɔŋlɔ Kɔkɔe La Le Eʋegbe Me 1913

Mawu le ame takpɔkpɔ.

¹ Dzudzɔgbehadzidzi la.

² Enyo be, woade akpe na Yehowa, eye woadzi kafukafuha na wò ŋkɔ, wò dziƒoʋitɔ la,

³ woade gbe ƒã wò amenuveve le ŋdi kple wò nuteƒewɔwɔ le zãwo me,

⁴ de kasaŋku ka ewo tɔ, saŋku kple gakasaŋku ƒe ɖiɖi ŋu.

⁵ Elabena wò, Yehowa, ètsɔ wò dɔwɔwɔwo do dzidzɔ nam, wò asinudɔwo ta mele aseye tsom ɖo.

⁶ Yehowa, wò nuwɔwɔwo lolo loo, wò susuwo me goglo ŋutɔ.

⁷ Gegeme menya esia o, eye bometsila medze sii o.

⁸ Ne ame vɔ̃ɖiwo mie abe gbe ene, eye nu vlo wɔlawo katã le se ƒom hã la, tsɔtsrɔ̃ ge ko woala ɖikaa.

⁹ Ke wò la èɖo kpo tegbee, Yehowa.

¹⁰ Elabena kpɔ da, wò futɔwo, kpɔ ɖa, wò futɔwo atsrɔ̃, eye nu vlo wɔlawo katã aka ahlẽ!

¹¹ Ke ãkɔ nyea nye dzo ɖe dzi abe akpãgba tɔ ene, eye woakɔ ami yeye ɖe dzinye.

¹² Nye ŋku atsa le nye ketɔwo dzi bɔkɔɔ, eye nye to ase nya le ame vlo, siwo tso ɖe ŋunye la ŋu.

¹³ Ame dzɔdzɔe la atu hlo abe deti ene, eye wòade dzi abe sederti le Libanon dzi ene.

¹⁴ Wodo wo ɖe Yehowa ƒe aƒe la me, eye woƒo se ɖe mía Mawu ƒe xɔxɔnuwo.

¹⁵ Woatse ku le tsitsime ke hã, tsi anɔ wo me gugugu, eye woade ama

¹⁶ ahaɖe gbe ƒãe be, Yehowa enye dzɔdzɔetɔ kple nye aga, si ŋu fɔɖiɖia ɖeke mele o.