Psalmowo 91 - Biblia alo Ŋɔŋlɔ Kɔkɔe La Le Eʋegbe Me 1913

Le dziƒoʋitɔ la ƒe vɔvɔli te.

¹ Amesi bɔbɔ nɔ dziƒoʋitɔ la ƒe bebeƒe, eye wòle ŋusẽkatãtɔ la ƒe vɔvɔli te la,

² eya gblɔna na Yehowa be: Nye sitsoƒe kple nye mɔ̃ sesẽ nenye, nye Mawu, si ŋu meɖoa ŋu ɖo.

³ Elabena aɖe wò tso xevimɔ̃trela ƒe adoboli me, tso dɔvɔ̃, si gblẽa nu me.

⁴ Atso eƒe fu atsyɔ dziwò eye eƒe aʋala fe nabe ɖo; akpoxɔnu gã kple ɖagbitɔ enye eƒe nyateƒe la.

⁵ Mava zã me ŋɔdzi kple aŋutrɔ, si le ʋɔ lũm le ŋkeke me,

⁶ ɖɔvɔ̃, si le zɔzɔm le blukɔ me, kple dɔ xɔleameŋua, si le nu gblẽm le ŋdɔ la o.

⁷ Akpe nenɔ anyi dzem ɖe axawò, eye akpe ewo ɖe wò nuɖusi me, ke wò la, mate ɖe ŋuwò o!

⁸ Vava, àkpɔe kple wò ŋkuwo, eye àkpɔ alesi woaɖo eteƒe na ame vɔ̃diwoe.

⁹ Elabena Yehowa enye wò si tsoƒe, eye dziƒoʋitɔ la nètsɔ wɔ nɔwòƒee.

¹⁰ Dzɔgbevɔ̃e maƒo go wò o, eye hiãkame mate ɖe wò agbaɖɔ ŋu o.

¹¹ Elabena adɔ eƒe dɔlawo ɖe ŋuwò, ne woakpɔ tawò le wò mawo katã dzi.

¹² Asi me woakɔ wò ɖo, ne màgatsɔ wò afa axlã ɖe kpea ɖeke o.

¹³ Azɔ dzata kple ƒli dzi, eye enya avuzi le dzatavi kple ʋɔ driba dzi.

¹⁴ Maɖee, elabena eku ɖe ŋunye; makɔe aɖo kɔkɔƒe, elabena enya nye ŋkɔ.

¹⁵ Ayɔm, eye matɔ nɛ, meli kplii le hiã me; maɖee le eme, eye mahaɖe bubu eŋu.

¹⁶ Matsɔ agbe didi aɖi ƒo nɛ, eye mana wòakpɔ nye xɔname.