Psalmowo 88 - Biblia alo Ŋɔŋlɔ Kɔkɔe La Le Eʋegbe Me 1913

Konyifafa gbedodoɖa le hiã gãa ɖe me.

¹ Hadzidzi. Korax-viwo ƒe ha na henɔ la, ne woadzi ɖe „Dɔléle“ ƒe gbe nu. Heman tso Ezrax-viwo dome ƒe nufiameha.

² Yehowa, nye xɔname ƒe Mawu, medo ɣli le ŋkeke me, eye zã me la mele ŋkuwò me.

³ Nye gbedodoɖa neva ŋkuwò me, eye naƒu to anyi de nye kokoƒoƒo ŋu!

⁴ Elabena fukpekpe ɖi ƒo na nyee luʋɔ, eye nye agbe te ɖe tsiẽƒe ŋu.

⁵ Wobum ɖe amesiwo yi aʋli me le dome, eye mele abe ŋutsu gbɔdzɔgbɔdzɔ ene.

⁶ Eɖe asi le ŋunye ɖe eme kukuwo dome, mele abe ame tsiaʋa, siwo le yɔdo me, amesiwo dzi mègaɖo ŋkui o, eye woklã ɖa le wò asi ŋu la ene.

⁷ Etsɔm ɖe aʋli me ƒe do kple viviti me kpakple atsiaƒu ƒe gogloƒe.

⁸ Wò dziku le dzinye, eye wò ƒutsotsoewo tem de to. Sela.

⁹ Ede nye ame nyanyɛwo ɖa le ŋunye, eye nètsɔm ɖo ŋunyɔnui na wo, èdo ʋɔ ɖe nunye, dodo meli nam o.

¹⁰ Hiã ti kɔ na nye ŋku; meyɔ wò, Yehowa, gbawotsyogbe ye meke nye abɔ na wò.

¹¹ Ɖe àwɔ nukunu ɖe ame kukuwo ŋua? Alo ɖe ŋɔliwo afɔ akafu wòa? Sela.

¹² De woaxlẽ wò amenuveve afia le yɔdo me kple wò nuteƒewɔwɔ le tsiẽƒea?

¹³ Ɖe woaɖe wò nukunuwo afia le viviti me, eye wò dzɔdzɔenyenye afia le anyigba, si dzi woŋlɔa nu be lena la dzia?

¹⁴ Ke nyea medo ɣii na wò, eye ŋdi la nye gbedodoɖa va ŋkuwò me.

¹⁵ Yehowa, nukaŋuti nètu asi nye luʋɔ ɖa, eye néɣla wò ŋku me ɖem?

¹⁶ Hiãtɔ menye, eye mele kukum tso ɖevime ke: wò ŋɔdzidodowo le kpeyem, eye melulu.

¹⁷ Wò dɔmedzoe heliheli va to dzinye, wò ŋɔdzidonamewo tsrɔ̃m.

¹⁸ Woɖe to ɖem atraɖi abe tsi ene, wo katã tim ɖe to ɖem.

¹⁹ Eɖe xɔlɔ̃wo kple hatiwo ɖa le ŋunye, eye blukɔ zu nye ame nyanyɛ.