Psalmowo 8 - Biblia alo Ŋɔŋlɔ Kɔkɔe La Le Eʋegbe Me 1913

Mawu ƒe gãnyenye ɖe eɖokui fia le nuwɔwɔ me Amegbetɔvi la ƒe bɔbɔɖanyi kple dodoɖedzi.

¹ Dawid ƒe ha na henɔ la, ne woadzi ɖe Gatitɔwo tɔ nu.

² Yehowa, mía Aƒetɔ, wò amesi na wò ŋutikɔkɔe gbagba gbɔ dziƒo ta, ale gbegbe wò ŋkɔ dzeani le anyigba blibo la dzii!

³ Deviwo kple vi nonowo ƒe nu me neli ŋusẽ anyi ɖo le wò ketɔwo ta, ne nana ketɔwo kple hlɔ̃bialawo ƒe nu natɔ kpe.

⁴ Ne mekpɔ wò dziƒowo, siwo nye wò asinudɔwɔwɔ, ɣleti kple ɣletiviwo, siwo, newɔ la,

⁵ nuka nye amegbetɔ, be néɖoa ŋku edzi, kple amegbetɔvi, be néléa ŋku ɖe eŋu?

⁶ Esusɔ vie, nena wòsɔ kple Mawu kloe, eye netsɔ bubu kple ŋutikɔkɔe ɖɔ nɛ.

⁷ Etsɔe ɖo wo asinudɔwɔwɔwo nu, eye netsɔ nuwo katã ɖe eƒe ato te:

⁸ alẽwo kple nyiwo siaa hekpe ɖe gbemelãwo hã ŋu,

⁹ dziƒoxeviwo kple ƒumelãwo kpakple nusianu, si zɔa atsiaƒu me.

¹⁰ Yehowa, mía Aƒetɔ, ale gbegbe wò ŋkɔ dzeani le anyigba blibo la dzii!