Psalmowo 76 - Biblia alo Ŋɔŋlɔ Kɔkɔe La Le Eʋegbe Me 1913

Dziƒo ʋɔnudrɔ̃la la kafukafu.

¹ Hadzidzi. Asaf ƒe ha na kasaŋkuwo ƒe henɔ.

² Wonya Mawu le Yuda, eƒe ŋkɔ lolo le Israel;

³ eƒe agbadɔ le Salem, eye eƒe nɔƒe le Zion.

⁴ Gama wòŋe aŋutrɔ, akpoxɔnu kple yi, eye wòna aʋawɔwɔ nu tsi le. Sela.

⁵ Eklẽ, eye ŋuwò kɔ wu blematowo.

⁶ Woha nu le kalẽtɔ dziƒowo ŋu, eye woyi alɔ̃ me ʋi; ŋutsuwɔlawo kalã meganya afika woƒe alɔ le o.

⁷ Yakob ƒe Mawu, le wò bublu la nu luʋɔ dzo le aʋawɔtasiaɖamwo kple sɔwo siaa ta.

⁸ Wò la, ŋɔdzi le ŋuwò, eye ameka anɔ te de nuwò, ne dzi ku wòa?

⁹ Ena wose wò afiatsogbe tso dziƒo; dzika tso anyigba ƒo, eye ɖoɖoe zi le eŋu;

¹⁰ esime Mawu tso ɖe ʋɔnudɔdrɔ̃ ŋu, ne wòaxɔ na anyigba dzi hiãtɔwo katã. Sela.

¹¹ Amegbetɔwo ƒe dɔmedzoe anye kafukafu na wò, eye dɔmedzoe ƒe susɔea natsɔ abla ati dzii.

¹² Miɖe adzɔgbe, eye miwɔ edzi na Yehowa, mia Mawu la! Mi amesiwo le eŋu godoo la, mitsɔ nunanawo vɛ na amesi ŋu ŋɔdzi le!

¹³ Amesi ŋea dàda nu na amegãwo, eye wòdzia ŋɔ na anyigba dzi fiawo.