Psalmowo 63 - Biblia alo Ŋɔŋlɔ Kɔkɔe La Le Eʋegbe Me 1913

Mawu yome didi ie eƒe kɔkɔeƒe.

¹ Dawid ƒe ha, le esime wòle Yuda-gbedzi.

² Mawu, Mawunye nènye, eye mele diwòm; tsikɔ le nye luʋɔ wum ɖe ŋuwò, eye nu te nye ŋutilã ŋu ɖe ŋuwò le kuɖiɖinyigba, si dzi ƒu kplakplakpla, eye tsia ɖeke meli o la dzi.

³ Ale metsa ŋu na wò le kɔkɔeƒe la, be makpɔ wò ŋusẽ kple wò ŋutikɔkɔe.

⁴ Elabena wò amenuveve nyo wu agbe; nye nuyiwo akafu wò.

⁵ Ekema makafu wò le nye agbe me katã, eye mawu nye asiwo dzi le wò ŋkɔ me.

⁶ Nye luʋɔ aɖi ƒo, abe alesi woɖua ami kple lãmi ene, eye nye nu atsɔ aseyetsonuyiwo akafu wò.

⁷ Ne medo ŋku dziwo le nye aba dzi, ne menya le zã, eye mebu ŋuwò le,

⁸ — elabena wòe nye nye kpeɖeŋutɔ, eye wò aʋala ƒe vɔvɔli te mele aseye tsom le —

⁹ ekema nye luʋɔ kuna ɖe ŋuwò; wò nuɖusi vaam goŋgoŋ.

¹⁰ Ke woawo, amesiwo le nye luʋɔ dim, be yewoɔgblẽe la, woayi keke anyigba te ʋi ke.

¹¹ Woatsɔ wo ade yi nu, eye woazu aboyonu na amegãxiwo.

¹² Ke fia la akpɔ dzidzɔ ɖe Mawu ŋu, eye amesiame, si ka atam le egbɔ la, aƒo adegbe; elabena woate nu ɖe nu me na aʋatsokalawo.