Psalmowo 58 - Biblia alo Ŋɔŋlɔ Kɔkɔe La Le Eʋegbe Me 1913

Mawu ganye ʋɔnudrɔ̃la le anyigba dzi.

¹ Megagblẽ nu o! Dawid ƒe ha ɖe futamee na henɔ la.

² Mi ʋɔnudrɔ̃lawo, ɖe mietsoa afia ɖe nyateƒe mea? Ɖe míedrɔ̃a ʋɔnu amegbetɔwo, alesi dzea?

³ Nu tovo boŋ miewɔna le miaƒe dziwo me, eye miedaa miaƒe asiwo ƒe ŋutasẽnuwɔwɔ le anyigba dzi.

⁴ Ame vɔ̃ɖiwo te ɖe aga tso ƒoɖo me ke eye amesiwo koa aʋatso la, tra mɔ tso ɖɔ me ke.

⁵ Aɖi te wo si abe ɖa ƒe aɖi ene, abe ƒli toku, si xe nu tome,

⁶ eye mesea dzom kple gbesala, si bi ɖe gbesasa me le ƒe gbe o la ene.

⁷ Mawu, ŋe aɖu le nu me na wo, Yehowa, ho tsyo na dzataviwo!

⁸ Wo nu ayi abe tsi sisi ene; eye ne eda eƒe aŋutrɔwo la, woanɔ abe ɖe wo nu tsi kpo ene.

⁹ Wole abe abɔbɔ, si le azɔli dzi le nyinyim ene, eye wodi nyɔnu ƒe fu gege, si mekpɔ ɣe kpɔ o.

¹⁰ Hafi aŋɔkadzo nabi ɖe miaƒe zewo ŋu la, aɖe wo ɖa le dɔmedzoe me, esime wogale mumu.

¹¹ Ame dzɔdzɔe akpɔ dzidzɔ, elabena ele hlɔ̃biabia kpɔm, eye aklɔ eƒe afɔwo ɖe eme vɔ̃ɖi ƒe ʋu me.

¹² Eye amewo agblɔ bena: E, kutsetse li na ame dzɔdzɔe; ẽ, Mawua ɖe li, amesi drɔ̃a ʋɔnu le anyigba dzi!