Psalmowo 55 - Biblia alo Ŋɔŋlɔ Kɔkɔe La Le Eʋegbe Me 1913

Gbedodoɖa le xɔlɔ̃ vɔ̃ɖi ta. Mawu me akɔfafa.

¹ Dawid ƒe nufiameha na kasaŋkuwo ƒe henɔ.

² Mawu, se nye gbedodoɖa, eye megaɣla dokuiwò ɖe nye kokoƒoƒo o!

³ Lé to ɖe ŋunye, eye natɔ nam; mele tsa glalã tsam le konyifafa me, eye mele hũ ɖem

⁴ le futɔ la ƒe gbe kple ame vɔ̃ɖi la ƒe ametete ɖe anyi ŋuti; elabena wolɔ gbegblẽ trɔ ɖe dzinye, eye wolé tum le dziku me.

⁵ Nye dzi le dablihɛ ƒom le nye dɔ me, eye ku ƒe ŋɔdzidonamewo dze dzinye.

⁶ Vɔvɔ̃ kple dzodzo nyanyanya lém, eye nye lãme ble tu.

⁷ Mebe: Ao, ɖe wonye aʋalae le asinye abe ahɔ̃ne ene la, anye ne madzo aɖatsi afia ɖe!

⁸ Kpɔ da, didiƒe ʋi mebe, masi ayi, eye matsi gbedzi adɔ. Sela.

⁹ Mawɔ kaba asi le ya ʋuduʋudu kple ahom nu.

¹⁰ Tsrɔ̃ wo, Aƒetɔ, eye nate woƒe aɖe me ɖe eve, elabena mekpɔ ŋutasesẽ kple dzrewɔwɔ le dua me.

¹¹ Woɖe to ɖee te woƒe gliwo dzi zã kple keli, eye gbegblẽ kple hiãkame le eme.

¹² Gbegblẽ le eme, eye ŋutasesẽ kple amebaba mete ɖa le eƒe abla me o.

¹³ Ɖe wonye nye futɔe le vlo domem la, anye ne mado dzi atsɔe; ɖe wònye nye ketɔe le asi tɔm akɔ ɖe ŋunye la, anye ne mesi abe le enu.

¹⁴ Ke boŋ amegbetɔ, si mía kplii míele tasɔsɔ ɖeka me lae, xɔ̃nye kple nye ame nyanyɛ,

¹⁵ mí amesiwo dome nya viviwo le, eye míenɔa amehawo dome yia mawuƒe me lae.

¹⁶ Saɖagatsi nedze wodzi, woayi tsiẽ agbagbe, elabena vɔɖinyenye le wo nɔƒe, le woƒe dzi me.

¹⁷ Ke nyea meyɔ Mawu, eye Yehowa xɔ nam.

¹⁸ Mefa konyi, eye meɖe hũ le fiẽ, ŋdi kple ŋdɔ, eye wòɖo to nye gbe.

¹⁹ Eɖe nye luʋɔ tso amesiwo le tetem ɖe ŋunye la si me, eye wòna ŋunye fe; elabena amesiwo tso ɖe ŋunye la, sɔ gbɔ ŋutɔ.

²⁰ Mawu asee, eye wòabɔbɔ wo ɖe anyi, eya, amesi te fiazikpui dzi tso blema ke, Sela, wo, amesiwo tametɔtrɔa ɖeke meli na wo o, eye womevɔ̃a Mawu o.

²¹ Edo asi ɖa ɖe amesiwo le ŋutifafa me kplii la ŋuti, eye wògblẽ kɔ ɖo na eƒe nubabla.

²² Eƒe nu me nya zrɔ̃ drẽdrẽdrẽ abe notsi kpekẽ ene; aʋawɔwɔ le eƒe dzi me, eƒe nuƒoƒowo le bɔlɔbɔlɔ abe ami ene, ke yi, si wodi, wonye.

²³ Tsɔ wò nyawo dro ɖe Yehowa dzi, eyae akpɔtawò; emana ke naɖe le ame dzɔdzɔe te akpɔ gbeɖe o.

²⁴ Ke wò, Mawu, ãtsɔ wo aƒu gbegblẽ fe ɖo la me, ŋutsu hlɔ̃mewo kple alakpatɔwo manɔ woƒe agbe ƒe afã o; ke nyea mele ŋu ɖom ɖe ŋuwò!