Psalmowo 50 - Biblia alo Ŋɔŋlɔ Kɔkɔe La Le Eʋegbe Me 1913

Akpedanumeme vavãtɔ.

¹ Asaf ƒe ha. Mawu, Yehowa, ŋusẽkatãtɔ la le nu ƒom, eye wòle xexeame yɔm tso ɣe ƒe dzedze me vaseɖe eƒe loɖoɖo me.

² Zion, si nye nyonyowo ƒe ta la, Mawu klẽ tso.

³ Mía Mawu gbɔna, ɖoɖoe mazi le eŋu o, dzo le nu bim le eŋgɔ, eye ahom sesẽ ɖe to ɖee.

⁴ Ele dzi me yɔ dziƒo kple anyigba ɖa, ne wòadrɔ̃ ʋɔnu eƒe dukɔ.

⁵ Miƒo nye mawumeme, siwo bla nu kplim ɖe akpedavɔsa dzi la, nu ƒu nam!

⁶ Dziƒowo ɖe gbe ƒã eƒe dzɔdzɔenyenye, elabena Mawu enye ʋɔnudrɔ̃la.

⁷ Nye dukɔ, see, mele nu ƒo ge; Israel, maɖi ɖase na wò be: Mawu, wò Mawu, menye!

⁸ Menye wò akpedavɔsa ta mele nya hem ɖe ŋuwò ɖo o, eye wò numevɔsa le ŋkunye me ɖaa.

⁹ Nyemalé nyitsu le aƒewò me alo gbɔ̃tsu le wò lãkpɔ me o.

¹⁰ Elabena tɔnyee nye avemelãwo katã kple lã akpe nane, siwo le towo dzi.

¹¹ Menya xevi, siwo katã le towo dzi, eye nusiwo katã ʋãa wo ɖokui le gbe me la, mele manyamanya ɖem o.

¹² Ɖe nye dɔe le wuyem la, ne nyematoe na wò o, elabena tɔnyee nye xexeame godoo kple eme nu gbogboawo.

¹³ Alo ɖe meɖua nyitsuwo ƒe lã, eye menoa gbɔ̃tsuwo ƒe ʋua?

¹⁴ Tsɔ akpedada sa vɔ na Mawu, eye naxe wò adzɔgbeɖefe na dziƒoʋitɔ la!

¹⁵ Yɔm le xaxagbe la, ekema maɖe wò, eye nade bubu ŋunye!

¹⁶ Ke Mawu gblɔ na ame vɔ̃ɖi be: Nye ɖoɖowo xexlẽfia kae tsa gbɔwò? Eye nukaŋuti nèlé nye nubabla ɖe nu?

¹⁷ Wòa èlé tu hehe, eye nètsɔ nye nyawo ƒu gbe ɖe megbewò tso!

¹⁸ Ne èkpɔ hafi la, ekema èkplɔe ɖo, eye nèɖea ha kple ahasitɔwo.

¹⁹ Eɖe ga wò nu ɖe nu vɔ̃ɖi ŋu, eye wò aɖe ɖa alakpa.

²⁰ Ebɔbɔ nɔ anyi le nu ƒom le nɔviwò ŋu, eye nèle aɖeɖi ƒom dawòvi.

²¹ Nusiawo wɔm nèle, eye mezi kpi; eyata nèle bubum be, ɖe mele abe wò ene. Maka mo na wò, eye matsɔe aɖo ŋkuwò me!

²² Mi, amesiwo ŋlɔ Mawu be, midze si esia dzro, ne nyemagavuvu nu, eye ɖelaa ɖeke manɔ anyi o!

²³ Amesi tso akpedada sa vɔe la, ede bubu ŋunye; eye amesi lé ŋku ɖe eƒe zɔzɔme ŋu la, mana wòakpɔ Mawu ƒe xɔname!