Psalmowo 5 - Biblia alo Ŋɔŋlɔ Kɔkɔe La Le Eʋegbe Me 1913

Dawid ƒe ŋdi gbedodoɖa le dziɖoɖo ɖe Mawu ŋu me, eye wòbia kpekpeɖeŋu tso Mawu gbɔ le eƒe futɔwo ŋuti.

¹ Dawiɖ ƒe ha na dzekulawo ƒe henɔ.

² Yehowa, nye nyawo nede tome na wò, se nye hũɖeɖe,

³ eye nalé to de nye ɣlidodo ŋu, fianye kple Mawunye, elabena wòe mele gbe dom ɖa na.

⁴ Yehowa, se gbenye le ŋdi, medzra ɖo ɖe ŋuwò le ŋdi hele asiwo nu kpɔm.

⁵ Elabena Mawu, si nu tovo wɔwɔ medzea eŋu o la, nènye, nu vɔ̃ɖi wɔla menɔa gbɔwò o.

⁶ Adegbeƒolawo menɔa te ɖe ŋkuwò me o; èléa fu nu vlo wɔlawo katã.

⁷ Etsrɔ̃a aʋatsokalawo; Yehowa tsria hlɔ̃me kple alakpatɔ.

⁸ Ke nyea mage ɖe aƒewò me le wò amenuveve geɖe la nu, eye mavɔ̃ wò ahade ta agu ɖe wò gbedoxɔ kɔkɔe ta nu.

⁹ Yehowa, kplɔm le wò dzɔdzɔenyenye la nu le nye ketɔwo ta; ta wò mɔ ɖe ŋgɔnye!

¹⁰ Elabena nya vavãa ɖeke mele woƒe nu me o, gbegblẽ le woƒe dzi me, woƒe veme enye yɔdo nuvo, eye wovivia nu me kple woƒe aɖe.

¹¹ Mawu, bu fɔ wo! Woƒe adaŋudedewo netsɔ wo ƒu anyi, tu asi wo ƒu anyi le woƒe dzidada gbogboawo ta, elabena wodze aglã ɖe ŋuwò!

¹² Amesiwo katã ɖoa ŋu ɖe ŋuwò la, nakpɔ dzidzɔ, woatso aseye tegbee, elabena èkpɔ wo ta; amesiwo katã lɔ̃ wò ŋkɔ la, nado ɖe ŋuwò hoo!

¹³ Yehowa, wòe yraa ame dzɔdzɔe, eye netsɔã amenuveve ƒoa xlãe abe akpoxɔnu ene.