Psalmowo 4 - Biblia alo Ŋɔŋlɔ Kɔkɔe La Le Eʋegbe Me 1913

Dawid ƒe fiẽ gbedodoɖa kple dzideƒo le xɔse me ɖe futɔwo ŋu Mawu do ŋukpe xɔlɔ̃awo le vɔvɔ̃ ta.

¹ Dawid ƒe ha na kasaŋkutɔwo ƒe henɔ.

² Ne meyɔ wò la, tɔ nam, nye dzɔdzɔenyenye ƒe Mawu, wò amesi na alɔmeɖeƒem le xaxa me; ve nunye, eye nase nye gbedodoɖa!

³ Mi ŋutsu ƒe viwo, zi nenie miaɖi gbɔ nye bubu, yakanu nanɔ mía ŋu nyom, eye míanɔ aʋatso yome dim? Sela.

⁴ Ke mínyae be, Yehowa tia mawumeme na eɖokui! Yehowa senɛ, ne meyɔe.

⁵ Dzi neku mi, ke migawɔ nuvɔ̃ o! Miƒo nu le dzi me le míaƒe abawo dzi, eye mizi ɖoɖoe! Sela.

⁶ Misa dzɔdzɔenyenyevɔ, eye miɖo ŋu ɖe Yehowa ŋu!

⁷ Ame geɖewo le gbɔgblɔm be: Ameka ana míakpɔ nu nyui kple ŋku? Oo, Yehowa, na wò ŋku me kekeli naklẽ ɖe mía dzi!

⁸ Ede dzidzɔ nye dzi me wu wo le ɣeyiɣi, si me bli kple wein bɔ ɖe wo si.

⁹ Mamlɔ anyi le ŋutifafa me adɔ alɔ̃ enumake: elabena wò, Yehowa ɖeɖeko ana manɔ dedie.