Psalmowo 33 - Biblia alo Ŋɔŋlɔ Kɔkɔe La Le Eʋegbe Me 1913

Mawu ƒe dɔmenyo kafukafu.

¹ Migli kple dzidzɔ, mi ame dzɔdzɔewo, de Yehowa ŋu; kafukafuha dze nuteƒewɔlawo!

² Mikafu Yehowa kple kasaŋkuwo, eye miƒo saŋku ka ewo tɔ nɛ!

³ Midzi ne yeye na; mitɔ asi kaawo nu kple ŋusẽ!

⁴ Elabena Yehowa ƒe nya toa mɔ ɖeka, eye eƒe nuwɔwɔwo katã le eteƒe.

⁵ Elɔ̃a dzɔdzɔenyenye kple ʋɔnudɔdrɔ̃; Yehowa ƒe amenuveve yɔ anyigba dzi taŋ.

⁶ Yehowa ƒe nye wotsɔ wɔ dziƒowoe, eye eƒe nu me gbɔgbɔ wotsɔ wɔ wo ŋu nuwo katàe.

⁷ Eƒoa atsiaƒutsiwo nu ƒu abe ɖe goe me ene, eye wòdzraa tɔɖɔɖɔ ɖo ɖe nudzraɖoƒe.

⁸ Anyigba blibo le nevɔ̃ Yehowa; xexemetɔwo katã nesi eƒe ŋku me!

⁹ Elabena eƒo nu, eye wòva me; ede se, eye wòɖo di.

¹⁰ Yehowa tɔtɔ dukɔwo ƒe adaŋudede me, eye wògblẽ anyigba dzi dukɔwo ƒe tameɖoɖo me.

¹¹ Yehowa ƒe adaŋudede li tegbee, eye eƒe dzimesusuwo tso dzidzime yi dzidzime.

¹² Woɔyra dukɔ, si ƒe Mawu Yehowa nye; dukɔ, si wòtia wɔ domenyinu na eɖokui.

¹³ Yehowa kpɔa nu tso dziƒo ke, ekpɔa amegbetɔviwo katã.

¹⁴ Ele enɔƒe ɖe ŋku ɖe anyigba dzi tɔwo katã,

¹⁵ eya, amesi wɔ woƒe dziwo katã tim, eye wòlé ŋku ɖe woƒe dɔwɔwɔwo katã ŋu.

¹⁶ Fia ƒe dziɖuɖu mele aʋakɔ kpaŋkpaŋ me o, eye ŋusẽ geɖe meɖea kalẽtɔ o.

¹⁷ Ne eɖó dziɖuɖu teƒe la, sɔ mele ɖeke me o, eye eƒe ŋusẽ la hã meɖea ame o.

¹⁸ Ke boŋ Yehowa ƒe ŋku le amesiwo vɔ̃nɛ ŋu, amesiwo le eƒe amenuveve sinu kpɔm,

¹⁹ be wòaɖe woƒe luʋɔ tso ku me, eye wòalé woƒe agbe ɖe te le dɔŋɔli.

²⁰ Míaƒe luʋɔ le mɔ kpɔm na Yehowa, míaƒe xɔname kple akpoxɔnu wònye.

²¹ Elabena míaƒe dzi le dzidzɔ kpɔm le eŋu, eye míele ŋu ɖom ɖe eƒe ŋkɔ kɔkɔe la ŋu.

²² Yehowa, wò amenuveve nenɔ mía dzi, abe alesi míele mɔ kpɔm na wòe ene!